Bizneset e huaja rriten 16% në 2015-n, por janë të vogla, mbizotëron call center

02/06/2016 9:12 AM 0 komente

Ndonëse numri i ndërmarrjeve të huaja rezulton i rritur në 2015-n, 73% e tyre ishin të vogla me 1-4 punonjës. Vërshojnë sipërmarrësit italianë (70% të ndërmarrjeve të reja të huaja), që hapin kryesisht aktivitet call center.

Sipas të dhënave të vendosura në dispozicion nga INSTAT, në 2015 janë rritur ndjeshëm bizneset e huaja, duke arritur në 5939 në total.

Krahasuar me vitin 2014, numri i tyre është rritur me 16 %. Ndërsa në harkun kohor të 5 viteve, rritja arrin 75 %.
Ndërsa ndërmarrjet me pronarë apo bashkëpronarë të huaj zënë 3,9 % të ndërmarrjeve aktive në 2015, që kryesohet nga nacionaliteti italian.

 

Sipas aktivitetit ekonomik, 30% e ndërmarrjeve të huaja janë të përqendruara në sektorin e tregtisë dhe 30% të tjera në sektorin e shërbimeve dhe 20% janë në sektorin e industrisë.

 

Të dhënat tregojnë se edhe sipërmarrjet e huaja që janë hapur të reja në 2015-n kanë qenë përgjithësisht të vogla, me 1-4 punonjës. Nga 694 sipërmarrje të reja me pronarë të huaj, që u hapën vitin e kaluar, 507 kishin më pak se 4 punonjës, apo 73%. Vetëm 43 sipërmarrje të reja të huaja që kanë mbi 50 punonjës janë hapur vitin e kaluar.

 

Sipas INSTAT, ndërmarrjet e reja të huaja kanë qenë kryesisht në fushën e tekstile e këpucëve dhe të call center.

 

70% e ndërmarrjeve të reja të reja që janë hapur kanë qenë me pronarë italianë, që preferojnë kryesisht aktivitetin e call center, që është zgjeruar ndjeshëm vitet e fundit, teksa fqinjët shfrytëzojnë aftësitë e të rinjve shqiptarë për të folur gjuhën italiane dhe pagat e ulëta me të cilat punojnë ata (300-700 euro/muaj, ndërsa në Itali është minimumi dyfishi). Në total janë 486 ndërmarrje të reja italiane të hapura në Shqipëri në 2015-n.

 

Në vend të dytë, sipas shteti, vijnë ndërmarrjet me pronësi greke, që zënë 11% të totalit. Në Shqipëri rezulton se numri i ndërmarrjeve me pronarë grek u rrit me 35, duke arritur në total në 675.

 

Në total, sipas INSTAT, Ndërmarrjet e mëdha me pronarë apo bashkëpronarë të huaj ushtrojnë aktivitetin ekonomik kryesisht në: Call Center, Prodhim Veshje e Këpucë dhe Aktivitetet Bankare.

Ndërmarrjet e huaja e të përbashkëta janë përqendruar kryesisht në qarqet Tiranë dhe Durrës.

Ndërmarrjet me pronarë apo bashkëpronarë italianë dhe grekë përfaqësojnë 57,7 % të ndërmarrjeve të huaja e të përbashkëta.

ecuria e bizneseve

ndermarrjet ok

ndermarrjet aktive

Komente

avatar
  Subscribe  
Notify of