Brenda në Shqipëri, 2% e popullsisë është imigrante

20/02/2017 12:53 PM 0 komente

Nuk janë vetëm shqiptarët që marrin rrugët në mërgim. Edhe vetë Shqipëria është pritëse e imigrantëve nga shtetet e tjera, ndonëse në nivele shumë të ulëta në raport me popullsinë vendase që ikën. Sipas të dhënave të Kombeve të Bashkuara, të përpunuara nga ‘The Telegraph’, në vitin 2015 kishte 57616 imigrantë që jetonin në Shqipëri – një ndryshim prej -0.11% që prej vitit 2005.

Imigrantët vlerësohet të zënë deri në 1.99% të popullsisë së vendit, që vlerësohet me 2897000 banorë, raporton ‘The Telegraph’.

Shqipëria bën pjesë në vendet që kanë një përqindje të ulët të imigrantëve, ndryshe nga shtete fqinjë si Greqia dhe Italia, që kanë përkatësisht 11.3 dhe 9.6% të popullsisë imigrante.

Edhe shtete të tjera në rajon, si Maqedonia, kanë 6.3% të popullsisë jo autoktone.

Më pak të huaj ka Bosnja, vetëm 0.9% të popullsisë.

Në Europë, shtetet që kanë mes tyre numrin më të lartë të imigrantëve janë Luksemburgu, me 44%, Zvicra, me 29.4% dhe Austria, me 17.4%.

Në botë, janë vendet në Lindjen e Mesme, që kanë nivelet më të larta të emigracionit, sipas shifrave të Kombeve të Bashkuara.

Ndërsa shumë vende të mëdha perëndimore po debatojnë nivelin e tyre të emigracionit, është në fakt Lindja e Mesme që ka përqindjen më të madhe të emigrantëve në krahasim me madhësinë e tyre të popullsisë.

Vendet e hapura më të vogla, të tilla si Andorra dhe Monako, gjithashtu kanë nivele të larta të emigrantëve, si një pjesë e popullsisë së tyre.

Në total, tetë vende kishin emigrantë që përbënin më shumë se gjysmën e popullsisë së tyre në 2015 – duke përfshirë shumë vende të Lindjes së Mesme (Emiratet e Bashkuara, Katar, Kuvajt,  Lihteshtajn, Andorra, Makao, Monako, Bahrejn, Singapor, Luksemburg).

Pavarësisht se emigracioni ka qenë një shqetësim i madh për publikun britanik, vendet e tjera kanë shkallë më të lartë të emigracionit, sipas shifrave të OKB-së.

Emiratet e Bashkuara Arabe, Katari dhe Kuvajti kishin numrin më të madh të emigrantëve, si një pjesë e popullsisë së tyre në 2015 – në 88, 77 dhe 74% respektivisht.

Në këto shtete të Gjirit, ka një hapje të madhe të emigracionit, ku fuqia punëtore private dominohet nga punëtorët e huaj.

Azia Juglindore dhe vendet afrikane kanë nivelet më të ulëta të migrimit të brendshëm, me Kinën, Vietnamin dhe Kubën që kanë numrat më të ulët. Këto kanë shkallë të ulët – 15 emigrantë për 10.000 njerëz.

Normat e emigracionit janë në rritje në botë – me emigrantët që përbënin 12.1% e popullsisë së botës në vitin 2005, krahasuar me 13.2% për në vitin 2015.

Shkalla prej 13.2% e Mbretërisë së Bashkuar është në përputhje me mesataren globale, pavarësisht thirrjeve për reduktim të emigracionit në vend, shkruan ‘The Telegraph’.

Ajo është gjithashtu afër mesatares së vendeve të G8, me Japoninë dhe Rusinë që ka përqindjen më të ulët të emigrantëve dhe Gjermaninë dhe Kanadanë që e ka më të lartë. Disa studime kanë gjetur se emigrantët kanë një vlerë të provuar ekonomike në vend.

 

harta me imigrantet

Komente

avatar
  Subscribe  
Notify of