Britania, thirrje për ndihmë për përcaktimin e planit Brexit

30/01/2018 9:02 AM 0 komente

Theresa May mendohet se ndodhet në një vështirësi vendimmarrje sa i përket strategjisë së saj saj për Brexit, sipas disa zyrtarëve të njohur me situatën, shkruan sot Bloomberg.

Duke ‘luftuar’ për të gjetur një qasje ndaj Brexit që mund të fitojë mbështetjen e kabinetit të saj të përçarë, kryeministrja e Mbretërisë së Bashkuar po u kërkon zyrtarëve dhe udhëheqësve evropianë të dalin me ide se çfarë lloj marrëdhëniesh të ardhshme mund të ofrohen, pohojnë burimet.

Kryenegociatori i Bashkimit Evropian Michel Barnier ka provuar për muaj të tërë që Britania të thotë se çfarë lloj marrëdhënie tregtare dëshiron pas ndarjes, një thirrje që ai e përsëriti të hënën. Ai ka paraqitur tashmë atë që ai thotë se janë opsionet e Britanisë.


Barnier, i cili po i trajton bisedimet në emër të 27 shteteve të tjera anëtare, thotë se Mbretëria e Bashkuar duhet të vendosë midis anëtarësimit të plotë në tregun e përbashkët – dhe rregullave që shkojnë me të – ose një marrëveshje të tregtisë së lirë të ngjashme me atë të Kanadasë marrëveshje tregtare me bllokun. Britania argumenton se kushtet nuk janë të mira: May dëshiron një marrëveshje të posaçme që do të përfshijë industrinë e saj të madhe të shërbimeve, por lejon që ajo të zgjedhë nga pjesët më të diskutueshme të anëtarësimit.

Nëntëmbëdhjetë muaj pas referendumit që detyroi një rishkrim të politikës ekonomike dhe të jashtme të Britanisë, qeveria ende po debaton për sa afër duhet të qëndrojë në bllok pas ndarjes dhe çfarë koncesionesh është përgatitur të bëjë. BE thotë se linjat e kuqe të Britanisë për emigracionin dhe roli i gjyqtarëve evropianë përcaktojnë kufijtë e çdo marrëveshjeje të mundshme.

Komente

avatar
  Subscribe  
Notify of