CIES / 100 lojtarët me vlerën më të lartë të transferimit, Mbappé në krye

13/06/2019 11:11 AM 0 komente

Cilët janë futbollistët e pesë kampionateve kryesore europiane (Premier League, La Liga, Seria A, Bundesliga dhe Ligue 1) me vlerën më të lartë në merkato?

Përgjigjen e kësaj pyetje e jep CIES Football Observatory, me klasifikimin e 100 futbollistëve me vlerën e transferimit më të lartë, sipas një algoritmi specifik. Ai merr në konsideratë moshën e lojtarit, afatin e kontratës, minutat e luajtura në fushë, rezultatet e arritura dhe pozicionin në fushë.

Në podium janë tre sulmues, nga tre kampionate të ndryshme. Kylian Mbappé (PSG) është në krye të renditjes, vlera e transferimit të të cilit është 252 milionë euro. Në vend të dytë, lojtari egjiptian Mohamed Salah (Liverpool, 219 milionë euro), dhe në të tretin Raheem Sterling (Manchester City, 208 milionë euro).

Përveç sulmuesve, futbollistët më të kushtueshëm për pozicionin e tyre në fushë janë Alisson Becker (Liverpool, 107 milionë) për portierët; Trent Alexander-Arnold (Liverpool, 130 milionë) për mbrojtësit dhe Paul Pogba (Manchester United, 125 milionë).

Lionel Messi (167 milionë euro) kryeson klasifikimin e lojtarëve më shumë se 31 vjeç, ndërsa Cristiano Ronaldo (118 milionë euro) është në krye të futbollistëve të moshës 33 vjeç ose më shumë.

(klikoni për ta zmadhuar)


 

Komente

avatar
  Subscribe  
Notify of