Dow Jones bie 1.000 pikë ndërsa frika pandemike rritet, bursat e mbyllin javën me rënie

28/02/2020 5:13 PM 0 komente

Aksionet në Wall Street kanë pësuar rënien më të thellë, që nga kriza financiare e vitit 2008. Indeksi kryesor i Dow Jones ka humbur më shumë se 1 mijë pikë në tregun e aksioneve këtë të premte, pasi përhapja me shpejtësi e koronavirusit ka rritur frikën e një recesioni global.

Gjatë javës, frika nga virusi ka fshirë gati 3 trilion dollarë nga vlera e tregut të kompanive S&P 500, duke u shndërruar në javën më të keqe që nga kriza globale e vitit 2008.

Bota po përgatitet për një pandemi të mundshme, investitorët nxituan drejt aseteve të sigurta, duke thelluar një përmbysje të kurbës së rendimentit të ShBA-së, një sinjal klasik recesioni.

S&P 500 ka rënë rreth 12% nga rekordi i lartë i mbylljes së saj javën e kaluar.

Mesatarja e Dow Jones ishte në 1.058.08 pikë, ose 4.11%, në 24.708.56, S&P 500 ishte në 118.91 pikë, ose 3.99%, me 2,859.85.

Nasdaq e ka mbyllur me rënie për 293.97 pikë, ose 3.43%, në 8,272.51.

“Ajo që unë di është se koronavirusi nuk do të na çojë në një krizë financiare që zgjat shumë. Mund të na çojë në një recesion teknik, por shqetësimi i vërtetë është nëse recesioni do ta bëjë konsumatorin e SHBA-së të tërhiqet nga shpenzimet?”, tha Robert Pavlik, shefi i investimeve në SlateStone Wealth LLC në Nju Jork.

Ndërsa ende nuk dihet se sa i lartë do të jetë dëmi ekonomik, i cili ka ndikuar tashmë në zinxhirët e furnizimit, analistët kanë ulur ndjeshëm perspektivën e tyre për rritje dhe fitime të korporatave.

Për shkak të shqetësimit që ka krijuar virusi, të dhënat e Departamentit të Tregtisë treguan të premten se shpenzimet e konsumatorit në ShBA u rritën më pak nga sa pritej në janar, një humbje e momentit që mund të përkeqësohet nga shpërthimi i virusit.

Midis aksioneve individuale, Mylan NV ra me 6% pasi paralajmëroi një goditje financiare nga shpërthimi i koronavirusit dhe paralajmëroi mungesa të mëtejshme të produktit në rast se do të ketë përhapje të vazhdueshme të virusit.

Indeksi i S&P nuk regjistroi asnjë ngritje të re 52-javore dhe shënoi 108 rënie të reja, ndërsa Nasdaq regjistroi 11 ngritje dhe 386 ulje të reja.

Burimi: Reuters

Komente

avatar
  Subscribe  
Notify of