Drejtoria e Përgjithshme e Tatimeve, njofton tatimpaguesit se duhet të dorëzojnë në mënyrë elektronike, inventarin analitik të datës 31.12.2020.
Inventari duhet të përmbajë informacione në lidhje me lëndën e parë, produktet e gatshme, mallrat për rishitje, të detajuara në njësi, sasi, çmim dhe vlerë.
Informacioni i mësipërm, i cili kërkohet bazuar në ligjin nr.9920 datë 19.05.2008 “Për Procedurat Tatimore në Republikën e Shqipërisë”, i ndryshuar, neni 60 “Detyrimi i tatimpaguesve për të dhënë informacion administratës tatimore”, duhet të ngarkohet elektronikisht në e-Filing, në rubrikën “Çështjet e mia”, brenda datës 11 Janar 2021.
Administrata Tatimore nxit tatimpaguesit të përmbushin me korrektesë këtë detyrim ligjor, brenda afatit dhe të shmangin penalitetet.
Për çdo informacion në lidhje me dorëzimin e inventarit analitik të datës 31.12.2020 ju mund të kontaktoni Qëndrën e Thirrjeve në numrin 0800 0002, e hënë- e enjte në orarin 08.00-16.30 dhe e premte 08.00-14.00.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.