Agjencia “Fitch Ratings” tha se ka rishikuar perspektivën për vlerësimin afatgjatë të mosshlyerjes së detyrimeve financiare për Kroacinë (IDR), nga një nivel i qëndrueshëm, në nivel pozitiv dhe ka vlerësuar IDR-në për Kroacinë me notën “BBB+”.
“Kroacia ka regjistruar rritjen e dytë më të lartë kumulative në BE që nga tronditja e pandemisë”, tha “Fitch” në një deklaratë për shtyp.
PBB-ja reale e vendit është 13% më e lartë krahasuar me tremujorin e katërt të periudhës para pandemisë së vitit 2019, ndërsa nivelet e të ardhurave arritën në 73% të mesatares së Bashkimit Europian në fund të vitit 2022.
“Ne presim që rritja të jetë mesatarisht 2.7% në vitet 2023-2025, krahasuar me 1.1% të parashikuar për Eurozonën. Perspektiva ekonomike do të varet kryesisht nga kërkesa e brendshme”, tha agjencia e vlerësimit.
Sipas “Fitch”, trajektorja e inflacionit dhe ngadalësimi i kërkesës së jashtme janë rreziqe negative për perspektivën e rritjes.
Agjencia e vlerësimit të kredisë pret që buxheti i përgjithshëm qeveritar të ketë një deficit të vogël prej 0.5% të PBB-së, krahasuar me 2.4% që parashikohej më parë, duke shënuar rënie nga suficiti prej 0.4% në vitin 2022.
Video / Monitor Ekonomi
