Fjalimi i plotë i dorëheqjes i Haradinaj: Qeveritë dhe pushtetet janë të ndërrueshme, jetojmë në demokraci

19/07/2019 4:48 PM 0 komente

Kryeministri i Kosoves, Ramush Haradinaj, ka dhënë dorëheqjen me arsyetimin se është thirrur nga Prokuroria e Dhomave të Specializuara si i dyshuar.

Ky është fjalimi i plotë i dorëheqjes se Haradinajt:

 

Të nderuar Kolegë,

Dua të ju informoj se sot kam marrë këtë vendim:

* Jap dorëheqje të parevokueshme nga detyra e Kryeministrit të Republikës së Kosovës dhe dua që të ju falemnderoj për besim dhe përkrahje

* Arsyeja e këtij vendimi është se kam marrë thirrje të paraqitem për t’u marrë në pyetje nga Dhomat e Specializuara në Hagë si i dyshuar

*Qeveritë dhe pushtetet janë të ndërrueshme, jetojmë në demokraci.

* Nderi I Kryeministrit dhe Shtetit duhet të ruhet dhe unë nuk e poshtroj asnjëherë. Në Hagë si Ramush Haradinaj do t’I dal përball shpifësve ashtu si e kërkon nderi I luftëtarit shqipëtar.

* Pastërtia ime dhe e luftës së UÇK-së e konfirmuar nga dy aktgjykime nuk mund të njolloset nga askush dhe asnjëherë.

* Shteti im është Kosova e paprekshme në multietnicitet, shumëgjuhësi, nëterritor e kufijë.

* Kosovës i bëhet presion i padrejtë për çmimin e njohjes nga Serbia. Ndarja apo Dodik Republika janë të papërballueshme për Kosovën dhe stabilitetin e rajonit

* Si Kryeministër i Qeverisë së Kosovës besoj fuqishëm se çmimi për njohje është tregu dhe për këtë taksa duhet të jetë çmimi i njohjes.

* Bashkësia ndërkombëtare po bën gabim që po insiston në çmim të papërballueshëm për Kosovën për njohje. Lidershipi Kosovar po bën gabim se nuk po e fuqizon legjitimitetin e vendimit për taksën ndaj Serbisë. Herët a vonë do t’a kuptojmë se sa dëm i madh po i bëhet vendit me këtë mosunitet.

* Kosova Euroatlantike është e interesuar për njohje reciproke në kufijtë ekzistues.

* Dialogu për njohje është edhe rruga për tregti të lirë me Serbinë.

* Kurr s’është vonë të jemi bashkë – tregu për njohje e jo ndarja apo Republika e Dodikut.

* Më lejoni të ju siguroj se: Taksa mbetet, Ushtria e Kosovës shkon para, Trepça është e gatshme për investime.

* Pas kësaj dorëheqjeje MANDATIN JA KTHEJ POPULLIT. Sovrani të vendos për udhëheqjen e ardhshme me zgjedhje të lira dhe demokratike.

* I drejtohem Presidentit që në afatin kushtetues të kryejë konsultimet me partitë politike dhe t’i shpall zgjedhjet e parakohëshme.

* Qeveria e vendit vazhdon të kryejë funksionet e veta pa lejuar vakum qeveritar deri në Qeverinë e re të dalur nga zgjedhjet e lira dhe demokratike.

* Menjëherë do t’i drejtohem me shkresa zyrtare për dorëheqjen e parevokueshme institucioneve të vendit dhe udhëheqësve të koalicionit qeverisës.

* Do t’i shërbej me besnikëri, gjithë jetën, POPULLIT, ATDHEUT DHE SHTETIT TIM KOSOVËS!

Faleminderit.

Komente

avatar
  Subscribe  
Notify of