Forbes / Vendet me reputacionin më të mirë për vitin 2019

21/10/2019 5:33 PM 0 komente

Si vendosim për të shkuar në një vend apo në një tjetër për pushime? Në mënyrë të vetëdijshme apo të pavetëdijshme, ka disa faktorë që ndikojnë te njerëzit kur vendosin të udhëtojnë, për t’u transferuar apo për të hapur një sipërmarrje të tyren.

Sipas Nicolas Georges Trad, drejtues në Reputation Institute, reputacioni përcakton “nëse njerëzit mbështesin një vend me sjelljen e duhur. Reputacioni më i mirë nënkupton më shumë eksporte, investime, turizëm”. Ashtu si në vitin 2018, edhe këtë vit, Reputation Institute hartoi klasifikimin Country RepTrak, një studim i përvitshëm që mat reputacionin e vendeve nëpërmjet një sondazhi të realizuar tek qytetarët e vendeve të G8.

Krahasuar me vitin e kaluar, kur pati një kolaps global, raporti i 2019 tregon një rritje mesatare me 0,5 pikë në reputacionin e vendeve. Suedia forcoi pozicionin e saj në vend të parë falë edhe “Sharing Sweden”, një projekt i cili synon të tregojë gjithçka që vendi po bën, nga nismat për përmirësimin e aksesit për njerëzit me aftësi të kufizuar tek nismat që synojnë të ndihmojnë të gjithë ata që duan të transferohen për të punuar.

Një tjetër faktor që e dallon vendin skandinav është vëmendja që i kushton çështjes së barazisë gjinore. Në veçanti, Suedia është një ndër vendet më të mira sa i përket diferencës së pagave mes gjinive. Jo rastësisht, vende po aq të kujdesshme mbi këtë çështje si Zvicra, Norvegjia, Finlanda dhe Zelanda e Re zënë përkatësisht vendin e dytë, të tretë, të katërt dhe të pestë në klasifikim

Nëse vitet e kaluara, bukuria, kultura dhe kapacitetet pritëse kishin një rol kyç në përcaktimin e reputacionit të një vendi, këtë vit, ndryshimin e bëjnë kushtet më të mira ekonomike, efikasiteti i qeverive dhe atraktiviteti mjedisor. “Dëshira për një efikase po bëhet gjithnjë e më shumë e rëndësishme” – thotë Hahn-Griffiths për Forbes.com.

“Nuk bëhet fjalë vetëm për bukurinë e një vendi – ju mund të dëshironi të jetoni aty, të punoni dhe të argëtoheni, por a është ai vend i mirëqeverisur?”. Pikërisht kjo arsye shpjegon sepse Britania e Madhe ka humbur disa pozicione (vendi i 18), për shkak të telenovelës së pambarimtë Brexit, kurse Shtetet e Bashkuara (në vendin e 36-të) për shkak të retorikës nacionaliste të Donald Trump.

Klasifikimi i vendeve me reputacionin më të mirë

  1. Suedi
    2. Zvicër
    3. Norvegji
    4. Finlandë
    5. Zelandë e Re
    6. Kanada
    7. Danimarkë
    8. Australi
    9. Holandë
    10. Irlandë
    11. Japoni
    12. Spanjë
    13. Austri
    14. Belgjikë
    15. Itali
    16. Portugali
    17. Singapor
    18. Mbretëria e Bashkuar
    19. Gjermani
    20. Republika Çeke
    21. Francë
    22. Greqi
    23. Tajlandë
    24. Tajvan
    25. Peru
    26. Poloni
    27. Malajzi
    28. Kili
    29. Argjentinë
    30. Vietnam
    31. Koreja e Jugut
    32. Emiratet e Bashkuara Arabe
    33. Indonezi
    34. Brazil
    35. Filipinet
    36. Shtetet e Bashkuara të Amerikës
    37. Indi
    38. Afrika e Jugut
    39. Egjipt
    40. Meksikë
    41. Katar
    42. Izrael
    43. Rumani
    44. Turqi
    45. Kinë
    46. Algjeri
    47. Bangladesh
    48. Kolumbi
    49. Venezuela
    50. Nigeri
    51. Rusi
    52. Arabi Saudite
    53. Pakistan
    54. Iran
    55. Irak

Burimi: Forbes

Komente

avatar
  Subscribe  
Notify of