Ministria e Shëndetësisë ka publikuar një udhëzues se në cilat raste është e detyrueshme mbajtja e maskës.
Në një tabelë të përgatitur nga CDC-ja (Qendra për Kontrollin dhe Parandalimin e Sëmundjeve) janë paraqitur shembuj se ku duhet dhe ku nuk duhet bartja e maskës.
Sipas CDC-së masën mbrojtëse duhet bartur gjatë blerjes së gjërave ushqimore dhe gjërave tjera, gjatë vizitës te mjeku apo farmacisti, gjatë drekës /darkës në një restorant, gjatë vozitjes në një automjet që nuk janë familjarë, gjatë udhëtimit me transport publik dhe gjatë marrjes së ndonjë shërbimi në bankë, postë apo në shërbime të tjera publike.
Ndërkaq nuk është e obligueshme bartja e maskës në shtëpi dhe gjatë vozitjes së automjetit personal me anëtarë të familjes.
Ligji nr. 07/L-006 për parandalimin dhe luftimin e pandemisë Covid-19 në territorin e Republikës së Kosovës, në nenin 24, pika 5, përcakton se “personi fizik i cili nuk respekton vendimin e organit kompetent për bartjen e maskës, dënohet me gjobë 35 euro”.
Ditëve të fundit është raportuar për një rast të një qytetari i cili është dënuar me 35 euro gjobë nga Policia, për mosbartje të maskës në veturë. Prezantimi i këtij manuali ka ardhur pas publikimit të këtij rasti.
Sipas këtyre shembujve, qytetarët nuk kanë nevojë ta bartin maskën në shtëpi me njerëzit që jetojnë në familjen tuaj dhe gjatë vozitjes së automjetit personal me njerëz që jetojnë në familjen tuaj.
Qytetarët obligohen ta bartin maskën gjatë blerjes së gjërave ushqimore dhe gjërave të tjera, gjatë vizitës te mjeku apo farmacisti, gjatë drekës/darkës në një restorant, gjatë vozitjes në një automjet tjetër (me jo familjar), gjatë udhëtimit me transport publik dhe gjatë marrjes së ndonjë shërbimi në bankë, postë apo në shërbime të tjera publike.
Numri total i rasteve pozitive në Kosovë është 13.454 raste nga 51.135 persona të dyshimtë në virusin SARS-CoV-2 dhe 525 raste të vdekjes.
IKSHPK ka njoftuar se numri i përgjithshëm i të shëruarve deri më sot është gjithsej 9.595 raste, kurse numri i rasteve aktive është 3.334.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.