Humbjet e vendeve të punës në Britani ‘mund të jenë në nivele më të larta se parashikimi’

21/10/2020 11:44 AM 0 komente

Papunësia në Mbretërinë e Bashkuar mund të rritet më lartë sesa parashikimet aktuale ndërsa pandemia vazhdon të godasë vendet e punës, sipas një politikbërësi të Bankës së Anglisë.

Gertjan Vlieghe, një anëtar i Komitetit të Politikës Monetare të Bankës, paralajmëroi se niveli i papunësisë mund të rritet mbi kulmin e parashikuar të Bankës prej 7.5 për qind.

Në një fjalim, ai tha se jo të gjithë dy milion punëtorët e tanishëm të pezulluar përkohësisht do të kthehen në vendet e tyre të punës.

“Rreziqet anojnë drejt humbjeve edhe më të mëdha [të vendeve të punës]”, tha ai.

“Edhe pse shkalla kryesore e papunësisë është rritur deri më tani në nivele mesatare, vlerësimi i saktë i papunësisë është një sfidë fenomenale”, tha Vlieghe.

Në kulmin e pandemisë në fillim të këtij viti më shumë se 30% e fuqisë punëtore të sektorit privat ishte me leje, theksoi ai.

Që atëherë më shumë se dy të tretat janë kthyer në punë, por kjo ende lë 9% të fuqisë punëtore të sektorit privat, ose pak më shumë se dy milion, të pezulluar ende.

Në gusht, Banka e Anglisë parashikoi që niveli i papunësisë do të arrinte një kulm prej 7.5%, duke nënkuptuar një humbje totale neto të vendeve të punës në të njëjtën shkallë si në krizën financiare globale. Por kjo shifër duket si një nënvlerësim tani, tha Z. Vlieghe.

Ekziston një pasiguri e madhe në lidhje me shkallën e humbjeve të vendeve të punës, shtoi ai, “por sipas mendimit tim, rreziqet anojnë drejt humbjeve edhe më të mëdha, duke nënkuptuar edhe një rikuperim më të ngadaltë në ekonomi sesa projeksioni kryesor”.

Ai parashikoi që ekonomia mund të ketë nevojë për stimuj të mëtejshëm financiar, “duke pasur parasysh që prevalenca e virusit është rritur përsëri kohët e fundit” dhe “duket se rreziqet e dobëta të perspektivës ekonomike kanë filluar të materializohen”./BBC

Komente

avatar
  Subscribe  
Notify of