Të jesh një profesionist i lirë (freelancer) të jep shumë liri, por puna mund të bëhet monotone dhe e përsëritur. Provoni këto mënyra krijuese për një ekuilibër më të mirë mes punës dhe jetës.
Me kalimin e kohës, mund të filloni të ndiheni ‘të mbytur’, nëse u shërbeni vetëm klientëve, por nuk i jepni vetes një mënyrë për t’u shprehur.
Për fat të mirë, ka shumë ide krijuese, që mund të provoni. Ju mund të gjeni një interes të ri si dhe mund të përmirësoni humorin tuaj, duke bërë diçka argëtuese.
Krijoni një kanal në YouTube
Shumë njerëz shikojnë përmbajtje video në internet dhe YouTube është një nga arsyet kryesore pse. Me mbi dy miliardë përdorues aktivë në muaj, platforma është një nga rrjetet më të njohura të mediave sociale në botë. Mund të gjeni përmbajtje të shumëllojshme, duke përfshirë udhëtimin, fitnesin dhe gatimin.
Krijimi i një kanali në YouTube, mund të sigurojë një projekt krijues afatgjatë dhe shpërblyes për të cilin mund të punoni. Nëse dëshironi ta lidhni drejtpërdrejt me biznesin tuaj, ka disa mënyra se si hapja e një kanali në YouTube, mund t’ju ndihmojë të rriteni si një profesionist i pavarur. Mund të flisni për tema si gjetja e klientëve, puna në distancë, etj.
Merruni me fotografi
Fotografia është padyshim mënyra më e mirë krijuese për profesionistë të lirë. Shumë prej nesh bëjnë fotografi të jetës së përditshme gjithsesi me telefon, duke kapur momente të paharrueshme si koha me fëmijët apo takime me miqtë. Pra, pse të mos e çoni atë në një nivel tjetër dhe të përpiqeni të bëni fotografi edhe më të mira?
Shkruani një libër
Nëse ju pëlqen të shkruani, ose ju ka pëlqyer gjithmonë ideja e të qenët shkrimtar, mund të provoni të sfidoni veten duke shkruar një libër. Librat janë një mënyrë e shkëlqyer për të shfaqur ekspertizën tuaj në një temë, dhe ju mund t’i përdorni ato për të ndërtuar markën tuaj personale dhe për t’u bërë më të njohur në industrinë tuaj.
Përveç shkrimit për punën tuaj, mund të zgjidhni edhe disa ide të tjera për tema. Për shembull, nëse ju pëlqen të udhëtoni, merrni parasysh të shkruani për udhëtimin tuaj të preferuar ose të krijoni një udhëzues për një destinacion, që e njihni mirë.
Filloni një Podcast
Nëse ju pëlqen të bisedoni, podcasting është një mundësi e shkëlqyer krijuese. Kur hapni një podcast, mund të vendosni nëse dëshironi të intervistoni njerëz, që mund të mos i keni takuar më parë. Përndryshe, një mundësi tjetër është të caktoni kohë me miqtë tuaj çdo javë, për të folur për tema që ju interesojnë – ose thjesht të bëni një bisedë të pastrukturuar si në jetën reale.
Me kalimin e kohës, mund të konsideroni gjithashtu kombinimin e podcast-it tuaj me fillimin e një kanali në YouTube. Kjo mund t’ju ndihmojë të arrini një audiencë më të gjerë.
Disa ide të tjera për të zhvilluar anën tuaj krijuese, mund të jenë piktura, krijimi i një blog-u apo dizajni i gotave apo veshjeve. / Make Use Of
Video / Monitor Ekonomi
