INSTAT: Pesëfishohet volumi i mallrave të transportuar me hekurudhë

27/06/2017 2:59 PM 0 komente

Instat ka publikuar statistikat e transportit ku ka raportuar se  volumi i mallrave të ngarkuara/shkarkuara në porte, në Maj 2017 është 0.4 milionë ton. Krahasuar me Maj 2016, ky tregues është rritur me 12,1 %. Në pesë mujorin e parë 2017, volumi i mallrave të ngarkuara/shkarkuara në porte është 1.6 milionë ton, duke u rritur me 7,6 %, krahasuar me të njëjtën periudhë të vitit 2016. Porti i Durrësit zë 89,7 %, të gjithë mallrave të ngarkuara/shkarkuara në të gjitha portet.

Volumi i mallrave të transportuara me hekurudhë është 3,2 milionë ton për kilometër, duke u rritur 5 herë më shumë krahasuar me Maj 2016. Në pesë mujorin e parë 2017, volumi i mallrave për kilometër është 10 milionë ton, duke u rritur 153,0 % në krahasim me të njëjtën periudhë të vitit 2016.

Në Maj 2017, volumi i mallrave të transportuar me ajër është 182 ton, duke u rritur 12,3 %, në krahasim me Maj 2016. Në pesë mujorin e parë të 2017 volumi i mallrave të transportuara është 725 ton, duke u rritur 5,7 %, krahasuar me njëjtën periudhë të një viti më parë.

transporti porte

transporti i hekurudhes

transporti porte

Komente

avatar
  Subscribe  
Notify of