Italia e paguan shtrenjtë borxhin një vjeçar

13/06/2012 1:15 PM 0 komente
Italia shiti 6.5 miliardë euro borxh një vjeçar me koston më të lartë që nga muaji dhjetor, duke treguar se si një nga tregjet më të mëdha të bonove në botë po tërhiqet zvarrë në krizën e borxheve të eurozonës.
letrat me vlerë 364-ditore u vlerësuan me yield 3.972%, por norma e mbulimit të ofertës ra në 1.73 nga 1.79. Në ankandin e fundit të ngjashëm të borxhit, Departamenti i Thesarit të Romës pagoi vetëm 2.34%, sipas Bloomberg-ut.
Pavarësisht nga kostot në rritje të borxhit, edhe atij afat-shkurtër, yield-et e bonove italiane vijuan rënien të mërkurën. Yield-i i kombinuar dy-vjeçar ra 2 pikë bazë në 4.51%, ndërsa ai i 10-vjeçareve ra 7pb në 6.1%.
Mario Monti, kryeministri i Italisë, mohoi me forcë mundësinë që vendi do të jetë i rreshtuar pas Spanjës për të kërkuar shpëtim financiar nga eurozona, dhe tha se komentet e ministres austriake të financës se Italia është 
në rrezik për të kërkuar shpëtim ishin “të papërshtatshme”. Corrado Passera, ministri italian i industrisë, po kështu hodhi poshtë idenë se Roma mund të ketë nevojë për ndihmë nga jashtë.

Komente

avatar
  Subscribe  
Notify of