Gjigandi farmaceutik Johnson & Johnson njoftoi se do të furnizojë Europën me 200 milionë vaksina anti-covid, përfshirë Norvegjinë dhe Islandën, në gjysmën e dytë të prillit.
Vaksina Johnson & Johnson u miratua nga Agjencia Europiane e Barnave më 11 Mars. Kjo është vaksina e katërt që lejohet për përdorim, pas miratimit të vaksinave të zhvilluara nga Pfizer-BioNTech, Moderna dhe AstraZeneca.
Në një deklaratë, kompania tha se orari i dorëzimit paraprak do të fillojë në periudhën prill deri në qershor, në përputhje me marrëveshjen e tyre me Komisionin Europian.
“Johnson & Johnson do të vazhdojë të punojë ngushtë me partnerët tanë, autoritetet rregullatore dhe qeveritë për të përshpejtuar të gjitha hapat e procesit të prodhimit të vaksinave dhe për të aktivizuar vendet tona të prodhimit sa më shpejt që lejojnë miratimet e autoriteteve shëndetësore, në mënyrë që të ofrojë siguri dhe nivel të lartë prodhimi cilësor të vaksinës sonë ”, thuhej në deklaratë.
Njoftimi i J & J vjen mes zhgënjimit në rritje në Bruksel për një mungesë të furnizimit të vaksinave në bllok, veçanërisht për shkak të dështimit të AstraZeneca për të përmbushur detyrimet e saj kontraktuale – ndërsa vazhdon të përmbushë objektivat e Mbretërisë së Bashkuar./CNN