Vendet e Ballkanit Perëndimor kanë rënë dakord që të harmonizojnë ofertën për investimet e huaja. Këshilli i Investimeve beri me dije sot se gjatë muajit të kaluar në Mal të Zi, u miratua nga Ministrat e Ekonomisë së 6 vendeve te Ballkanit Perëndimor një Deklaratë e Përbashkët, në kuadër të zbatimit të Planit Shumëvjeçar Rajonal (MAP REA). Agjenda Rajonale e Reformës së Investimeve (RIRA), pjesë e REA-s, u hartua nga grupi i punës së Komitetit të Investimeve të vendeve të Evropës Juglindore (SEEIC/JËGI) me mbështetjen e ekspertëve të Bankës Botërore. Një komponent i rëndësishëm i reformës është edhe lançimi dhe promovimi i agjendës RIRA tek sektori privat.
Këshilli i Investimeve trajton shqetësimet kryesore të biznesit duke dhënë rekomandime direkte dhe praktike për Qeverinë për ndërhyrje ligjore dhe institucionale për të përmirësuar klimën e të bërit biznes dhe stimulimin e investimet në vend.
Ja tre fazat në të cilat do të kalojë zbatimi i planit:
Faza 1. Konsultimi dhe ndërtimi i konsensusit (Viti 1).
Në këtë fazë, ekonomitë e SEE do të vendosin formën dhe fushëveprimin e saktë, në bazë të moduleve dhe modeleve të propozuara nga RCC.
Veprimet dhe aktivitetet kryesore në këtë fazë përfshijnë si në vijim:
- Caktimi i koordinatorit rajonal për investimet.
- Kryeni një analizë gjithëpërfshirëse rajonale dhe zhvilloni konsultimet për të arritur konsensus mbi objektivat dhe prioritetet.
- Zhvillimi i marrëveshjeve ndërmjet agjencive dhe organizatave të tyre të interesuara, në mënyrë që detyrimet e të gjitha palëve të jenë të përcaktuara qartë.
- Mblidhni informacionin dhe dokumentet e kërkuara për të bërë aktiv Portalin e investimeve të SEE dhe Programin Rajonal.
- Përcaktoni nevojat për trajnim.
- Hartoni dhe zbatoni planet e veprimit
Faza 2. Koordinimi dhe ndërtimi i kapaciteteve (Viti 2).
Kjo fazë shënon fillimin zyrtar të zbatimit të platformës së përbashkët për investimet. Veprimet kryesore dhe aktivitetet e rekomanduara për këtë fazë përfshijnë si në vijim:
- Nisja e Portalit të investimeve të SEE.
- Nisja e Programit Rajonal të Zhvillimit
- Bëni hartën e zinxhirëve rajonalë të vlerës për të identifikuar objektivat që do t’i shpërbejnë specializimeve.
- Trajnimi i pjesëmarrësve për strategjitë kombëtare dhe rajonale
Faza 3. Krijimi i marketingut të përbashkët për zinxhirët rajonalë të vlerës (Viti 3).
Në këtë fazë, proaktive, promovimi i mundësive për investime do të jetë në shënjestër. Veprimet dhe aktivitetet kryesore të rekomanduara për këtë fazë përfshijnë si në vijim:
- Nisja e një strategjie pilot në fushën e tregut.
- Kryerja e misioneve në tregun e përbashkët
- Futja e mjeteve të avancuara të ndjekjes dhe promovimit (duke përfshirë marrëdhëniet me klientët).
- Ngritja e Programit Rajonal të Menaxhimit të Markave dhe zhvillimi i identitetit rajonal, duke përfshirë krijimin e Panelit Këshillëdhënës Ndërkombëtar.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.
Duke patur eksperience personale shume negative ne raport me paligjeshmerine e te berit drejtesi nga sistemi i drejtesise,mendoj se,krahas shume problemeve te tjera ” alla shqiptarce ” dhenia e drejtesise ne problemet e te berit biznes eshte ” Kush paguan me shume “