Kina miraton një ligj të ri për të luftuar sanksionet e Trump

11/01/2021 2:17 PM 0 komente

Kina po i kundërvihet sërish një stuhie sanksionesh amerikane me rregulla të reja që synojnë të mbrojnë firmat e saj nga ligjet e huaja “të pajustifikuara”.

Ndryshimet e njoftuara gjatë fundjavës lejojnë gjykatat kineze të ndëshkojnë kompanitë që respektojnë këto kufizime.

Presidenti i SHBA Donald Trump ka vazhduar të targetojë kompanitë kineze dhe të vazhdojë të besoje se ato janë një kërcënim për sigurinë kombëtare të SHBA.

Sot, tre firma të mëdha kineze të telekomunikacionit të listuara në Bursën e Nju Jorkut (NYSE) pritet të shohin që aksionet e tyre të fshihen bazuar në lidhjet e pretenduara me ushtrinë e saj.

NYSE po heq China Mobile, China Telecom dhe China Unicom Hong Kong, bazuar në një urdhër ekzekutiv të nënshkruar nga Trump në nëntor të vitit të kaluar.

Çregjistrimet pasojnë një mori veprimesh kundër firmave kineze në muajt e fundit duke përfshirë TikTok, Huawei dhe prodhuesin e mikroçipave SMIC.

Javën e kaluar, Trump nënshkroi një urdhër ekzekutiv që ndalon transaksionet me tetë aplikacione kineze përfshirë platformën popullore të pagesave Alipay, si dhe WeChat Pay.

Presidenti amerikan pretendon se kompani të tilla të teknologjisë ndajnë të dhëna me qeverinë kineze, akuza të tilla të mohuara nga vetë kompanitë.

Në një deklaratë të Shtunën, Ministria e Tregtisë e Kinës prezantoi rregullat e reja mbi “kundërvënien në zbatimin e pajustifikuar ekstra-territorial” të ligjeve të huaja.

“Personat juridikë që dëmtohen nga zbatimi i legjislacionit të huaj mund të lëshojnë procedime ligjore në gjykatë dhe të kërkojnë kompensim për dëmin e bërë”, tha Bert Hofman, drejtor i Institutit të Azisë Lindore në Universitetin Kombëtar të Singaporit.

“Qeveria mund të marrë edhe kundërmasa të tjera”.

Masat, të cilat hynë në fuqi menjëherë, nuk përmendin Shtetet e Bashkuara drejtpërdrejt, megjithëse Kina është ankuar prej kohësh në lidhje me sanksionet dhe kufizimet e SHBA-së në tregti.

Por ekspertët ligjorë thonë se është e paqartë se si do të zbatohet ligji i ri./BBC

Komente

avatar
  Subscribe  
Notify of