Në 24 orët e fundit në Kosovë nuk është shënuar asnjë viktimë nga koronavirusi.
Këtë e ka bërë të ditur me anë të një postimi në Facebook, ministri i Shëndetësisë, Armend Zemaj.
Zemaj gjithashtu ka falënderuar të gjithë punonjësit e Institutit për përkushtimin e madh nga 13 marsi, kur u shfaq rasti i parë me COVID-19, si dhe për kujdesin dhe shërbimet e ofruara për qytetarët dhe për luftimin e pandemisë.
“Falënderoj punonjësit e palodhshëm të Institutit, për përkushtimin e madh nga 13 marsi kur u shfaq rasti i parë me Covid-19 si dhe për kujdesin dhe shërbimet e ofruara për qytetarët dhe për luftimin e pandemisë”.
Edhe numri i rasteve të reja vijon të bie. Nga 503 testime të kryera, kanë rezultuar pozitivë 66 persona, ndërsa 141 të tjerë janë shëruar.
Në dy javët e fundit numri i rasteve të reja ka rënë me 44 për qind.
Numri total i rasteve pozitive është 15.208 raste nga 63.110 persona të dyshimtë në virusin SARS-CoV-2 dhe 615 raste të vdekjes.
Gjatë 24 orëve të fundit, janë shëruar 141 pacientë derisa numri i përgjithshëm i të shëruarve deri më sot është gjithsej 12.815 raste, kurse numri i rasteve aktive është 1.778.
“Rastet pozitive janë nga: komuna Prishtinë 22 raste, komuna Gjilan 8 raste, komuna Deçan 7 raste, komuna Ferizaj 5 raste, komuna Podujevë 5 raste, komuna Fushë Kosovë 3 raste,
komuna Kamenicë 3 raste, komuna Pejë 3 raste, komuna Gjakovë 2 raste, komuna Suharekë 2 raste, dhe me nga një rast komunat Drenas, Istog, Klinë, Kllokot, Rahovec dhe Vushtrri”.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.