Kroaci/Forcohet ndihma për ekonominë e goditur nga koronavirusi

10/07/2020 4:25 PM 0 komente

Kroacia tha se do të zgjerojë fushën e mbështetjes financiare për ekonominë e saj, duke lejuar një shkurtim të javës së punës për disa firma që janë goditur fort, për të zbutur rënien nga kriza e COVID-19.

Që nga shpërthimi i koronavirusit në mars, qeveria ka pompuar 7.6 miliardë kuna kroate (1.13 miliardë dollarë) për të mbështetur pagat e ndërmarrjeve në telashe.

Masa e re mbështetëse do të bëjë të mundur që firmat e goditura më fort të punësojnë më shumë se 10 punëtorë për të shkurtuar javën e punës me ndihmë financiare nga qeveria, tha kryeministri Andrej Plenkoviç për kabinetin.

“Kjo është masa e parë më e fortë pas atyre të miratuara gjatë tre muajve të fundit për të ruajtur vendet e punës dhe forcimin e likuiditetit”, tha ai, duke shtuar se masa do të qëndrojë në fuqi deri në fund të vitit.

Qeveria ka vlerësuar se masa do t’i kushtojë arkës së shtetit rreth 3 miliardë kuna.

Më herët kishte thënë se do të duheshin rreth 70 miliardë kuna gjatë muajve të ardhshëm për të financuar masat për të luftuar krizën ekonomike të shkaktuar nga pandemia.

Plenkoviç tha se masat që ndërmori qeveria ndihmuan në shpëtimin e 600,000 vendeve të punës dhe 103,000 ndërmarrjeve duke ruajtur shifrat e punësimit në nivelin para krizës.

Kroacia, e cila ka regjistruar teprica të buxhetit në tre vitet e fundit, tani pret një deficit buxheti prej 6.8% të Prodhimit të Brendshëm Bruto (PBB) në vitin 2020, dhe një ulje nën 3% të PBB-së në vitin 2021.

Ekonomia parashikohet të ulet me 9.4% këtë vit për shkak të ndikimit të koronavirusit. Në fund të vitit të kaluar, autoritetet kishin parashikuar një rritje prej 2.5% në vitin 2020, pas një zgjerimi prej 2.9% në vitin 2019.

Deri tani, Kroacia ka regjistruar 2,483 infeksione nga koronavirusi dhe 107 vdekje. (1$ = 6.7376 kuna)

Komente

avatar
  Subscribe  
Notify of