Kroaci / Kryeministri njofton rritjen e pagave për punonjësit e sektorit publik

01/11/2019 10:02 PM 0 komente
TEMA TE NGJASHME:
Kryeministri kroat, Andrej Plenkovic

Kryeministri kroat, Andrej Plenkovic, njoftoi një rritje të konsiderueshme të pagave vitin e ardhshëm për punonjësit e sektorit publik.

Gjatë fjalës në Parlament, pas disa javësh tensionesh të ashpra midis sindikatave të punëtorëve të sektorit publik (veçanërisht në sektorin e shëndetësisë dhe arsimit) dhe qeverisë, z. Plenkovic premtoi se në vitin 2020, të gjitha pagat e punonjësve publikë do të rriten nga 6 në 8%.
Gjatë viteve të fundit, Kroacia ka parë një rritje mesatare të PBB-së prej 3% në vit që, së bashku me masat shtrënguese të ndërmarra nga qeveria kroate, mundësuan stabilizimin e llogarive publike.

Këtë vit, Kroacia duhet të ketë një buxhet praktikisht pa deficit, ndërsa vitin e ardhshëm parashikohet një suficit. Në këtë kontekst makroekonomik, qeveria kishte planifikuar një ulje të TVSH-së, nga 25% në 24%, që tani do të duhet të hiqet për të siguruar financimin e nevojshëm për rritjen e pagave.

Disa e shohin premtimin për rritjen e pagave thjesht si një mjet për të siguruar votat gjatë zgjedhjeve që do të mbahen në 2020. Ndërkohë, grevat nga ana e mësuesve të shkollave fillore dhe të mesme që filluan javën e kaluar po vazhdojnë. Grevistët po bëjnë thirrje për një rritje të menjëhershme dhe të konsiderueshme të pagave. Sindikatat e punës këmbëngulin se do të vazhdojnë zhvillimin e grevave edhe pasi të rritet paga e paralajmëruar, nëse kjo kategori nuk do të vazhdojë të mbetet më e paguara për të gjithë sektorin publik.

Komente

avatar
  Subscribe  
Notify of