Lufta ndaj koronavirusit/Aksionet europiane bien me 2.8%, pavarësisht premtimit të FMN prej 50 miliardë dollarësh

05/03/2020 11:20 AM 0 komente

Aksionet europiane ranë me 2,8 për qind pavarësisht premtimit prej 50 miliardë dollarësh të Fondit Monetar Ndërkombëtar për të ndihmuar në luftimin e koronavirusit.

Bursa europiane Stoxx 600 papritmas e ktheu kursin gjatë tregtisë në mëngjes, duke rënë 2.8% nën nivelin e sheshtë, me burimet themelore që udhëheqin rrugën, pasi të gjithë sektorët dhe bursat kryesore rrëshqitën nën vijën e kuqe.

Aksione në Azi tregtuan shifra më të larta ditën e sotme, të mbizotëruara nga homologët e tyre amerikane, ku Dow Jones u rrit me më shumë se 1,100 pikë të mërkurën.

Paratë janë në dispozicion “menjëherë” dhe janë për tregjet e vendeve me të ardhura të ulëta dhe në zhvillim, tha drejtoresha menaxhuese e FMN, Kristalina Georgieva për CNBC. FMN do të donte së pari që paratë të përdoren për të forcuar sistemin e kujdesit shëndetësor dhe më pas për të ndihmuar programet e stimulimit fiskal.

“Shumica e parave do të jenë pa interes, dhe vendet nuk kanë nevojë të kenë një program paraprak me FMN për të përfituar. Ajo që ne po bëjmë tani është të rishikojmë nga shteti në shtet se cilat janë nevojat financiare, dhe të angazhohemi me këto vende për t’u siguruar mbështetjeje të menjëhershme. Ajo me të cilën ne po mundemi është pasiguria dhe që përcakton parashikimet tona, të cilat në këtë pikë na çojnë të deklarojmë se rritja globale në vitin 2020 do të ulet nën nivelin e vitit të kaluar,” tha Georgieva.

FMN po punon gjithashtu me Bankën Botërore për të ndihmuar vendet të marrin disa nga pajisjet mjekësore, siç janë maskat mjekësore dhe pajisjet e frymëmarrjes, që përdoren për të luftuar virusin.

Masa e FMN-së vjen pas një serie uljesh të normave nga bankat qendrore këtë javë. Rezerva Federale e ShBA njoftoi një ulje të 50 pikëve të martën, veprim i njëjtë u ndo edhe nga Banka e Kanadasë të mërkurën.

Më herët, në fillim të kësaj jave Banka Botërore njoftoi një program prej 12 miliardë dollarësh për të ndihmuar kombet e varfra të merren me pasojat shëndetësore dhe ekonomike të epidemisë.

Më shumë se 90 mijë raste janë konfirmuar me koronavirus në të gjithë botën dhe virusi është përhapur në gjashtë kontinente. Përhapja e tij ka çuar në kufizime të mëdha të udhëtimeve në qendrat kryesore të ekonomisë, siç është Kina apo Italia. Vëmendja në Europë vijon të jetë e përqendruar në Itali, ku sipas të dhënave të fundit kanë humbur jetën 109 persona dhe janë prekur mbi 2,700 persona nga virusi.

Aksionet në lëvizje

Aksionet Hellofresh u hodhën 10% në majën e Stoxx 600 pasi JPMorgan azhurnoi aksionet e kompanisë gjermane të gatimit, ndërsa fitimet mbetën një shtytës kryesor i veprimit të çmimeve individuale përgjatë standardit evropian.

Hugo Boss u rrit me 4% pasi raportoi një rënie të fitimit vjetor për vitin 2019, por hoqi dividentin e tij duke ofruar udhëzime optimiste për vitin 2020. Melrose Industries në Britani dhe ndërmarrja farmaceutike gjermane Merck Kgaa të dy fituan më shumë se 4% pas raporteve të të ardhurave të plota.

Capita ka rënë me 15.3%, ndërsa Evraz ra 9,7%, po ashtu edhe Continental dhe ITV, respektivisht me 6.9% dhe 5.5%.

Çmimi i naftës

Edhe çmimet e naftës shënuan rritje me më shumë se 1 për qind përpara takimit të OPEC në Vjenë.

Në lajme të tjera, çmimet e naftës u rritën më shumë se 1% të enjten përpara një takimi të OPEC në Vjenë, Austri. Udhëheqësi de fakto i OPEC Arabia Saudite pritet të nxisë grupin prej 14-anëtarësh që prodhon naftë, dhe aleatët e tij jo pjesë e OPEC siç është Rusia, për të rritur ose zvogëluar prodhimin për të mbështetur tregun mes rritjes së ngadalësuar të kërkesës./CNBC

 

Komente

avatar
  Subscribe  
Notify of