Maqedonia e Veriut ka emetuar një Eurobond 6-vjeçar me vlerë 700 milionë euro (770.9 milionë dollarëë) më 27 maj, tha Ministria e Financave.
Eurobondi mban një normë interesi prej 3.67%, e dyta më e ulët pas normës së interesit prej 2.75% të Eurobondit të lëshuar në vitin 2018, deklaroi të mërkurën Ministria e Financave.
Kërkesa e investitorëve për Eurobondin e ri, i shtati në vend deri tani, ishte pesë herë më e lartë se shuma e lëshuar.
Maqedonia e Veriut do të përdorë fondet e grumbulluara nga emetimi i ri i Eurobondit, së bashku me kreditë nga Fondi Monetar Ndërkombëtar (FMN), Banka Botërore dhe Bashkimi Europian, për të mbuluar plotësisht nevojat financiare për këtë vit, tha Ministria e Financave.
Qeveria pret që viti 2020 të mbyllet me një deficit buxhetor ekuivalent me 6.8% të PBB-së. Pagesat për borxhin e vendit që maturohen këtë vit arrijnë në 705 milionë euro, deklaroi Ministria e Financave.