Mbikëqyrja e ISHMT në 2020, nga produktet ushqimore e ashensorët, te të drejtat e autorit dhe markat

Inspektorati Shtetëror i Mbikëqyrjes së Tregut, në kuadër të monitorimit të sigurisë konsumatore, njoftoi se gjatë vitit të shkuar, ka kryer 1526  inspektime për garantimin e mallrave të sigurta në treg, por jo vetëm e limituar në produkte.

Në raportimin e fundit të bërë të ditur nga institucioni, vitin e shkuar, është vendosur vëmendja edhe te shkeljet në fushën e pronësisë intelektuale, si konflikte marke apo mosrespektim të drejte autori.

Për sigurinë e produkteve:

• 38 inspektime në lidhje me sigurinë e makinerive,
• 412 inspektime për sigurinë e ashensorëve dhe janë marrë 281 masa administrative,
• 49 inspektime për sigurinë e lodrave dhe janë marrë 15 masa administrative,
• 27 inspektime për detergjentët,
• 19 inspektime për tekstil/këpucë dhe janë marrë 3 masa administrative,
• 21 inspektime për mbrojtjen konsumatore dhe janë marrë 2 masa administrative,
• 21 inspektime për sigurinë e përgjithshme,
• 70 inspektime për sigurinë e produkteve elektrike dhe janë marrë
• 15 masa administrative, janë bllokuar 28 produkte (2000 njësi në total),
• 328 inspektime për produktet e parapaketuara dhe është marrë një masë administrative,
• 145 inspektime për instrumentet matëse dhe janë marrë 3 masa administrative.

Për mbrojtjen e të drejtave të Pronësisë Intelektuale:

• 384 inspektime për respektimin e të drejtave të autorit nga të cilat 28 janë përmbyllur me masa administrative,
• 12 inspektime për respektimin e të drejtave mbi markat tregtare nga të cilat janë vendosur 8 masa administrative.

ISHMT, si pjesë e Njësisë Operacionale gjatë pandemisë vitin e shkuar, ka kryer inspektime në subjektet që janë lejuar sipas protokolleve përkatëse të ushtrojnë aktivitet në Qarkun e Tiranës. Inspektimet kanë përfshirë kategoritë të subjekteve që operojnë në fushën e tregtimit të produkteve joushqimore, ushqimore dhe shërbimeve të ndryshme. / D. Hyka

Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.