Moderna pret që vaksina e saj të mbrojë njerëzit nga Covid-19 për të paktën një vit

12/01/2021 11:59 AM 0 komente

Kompania amerikane e bioteknologjisë “Moderna” beson se vaksina e saj do të mbrojë njerëzit kundër koronavirusit të paktën për një vit.

“Ne presim që efekti i vaksinimit të zgjasë të paktën një vit”, tha zyrtari kryesor mjekësor i Moderna, Tal Zaks.

Vaksina kundër virusit nga Moderna është një nga dy vaksinat e autorizuara për përdorim urgjent nga Administrata e Ushqimit dhe Barnave në SHBA (FDA).

Pfizer dhe partneri gjerman BioNTech gjithashtu kanë autorizim për përdorim urgjent.

Kompania do të duhet të testojë për të parë nëse shtimi i një doze të tretë, mund të zgjerojë mbrojtjen, tha Zaks.

Aktualisht, vaksina bëhet e ndarë në dy doza më një muaj distancë.

Meqenëse të dy vaksinat u zhvilluan vetëm gjatë vitit të kaluar, askush nuk e di me saktësi se për sa kohë do të mbrojnë njerëzit./CNN

Komente

avatar
  Subscribe  
Notify of