Pjesa e parë
Ministria e Financave ka publikuar tabelat e projektbuxhetit të vitit të ardhshëm. Sipas këtyre të dhënave, rritja ekonomike vendoset në pikëpyetje, pasi qeveria ka shtrënguar rripat tek investimet kapitale si rrugët, spitalet apo shkollat. Barra fiskale e biznesit mbetet e njëjtë.
Në kontrast, projektbuxheti ka rritje me 16% për pagesat e koncesioneve me Partneritet Publik-Privat. Ndërsa parashikon financim zero për rritjen e pagave të administratës.
Pjesa e dytë
Nëntori, ndryshe, konsiderohet edhe muaji i festave për ne shqiptarët. Datat e veçanta 28 dhe 29 padyshim vishen kuqezi, por edhe me pasaporta në duar. Shqiptarët preferojnë t’i kalojnë anekënd botës festat kombëtare.
Për shkak edhe sesi kanë përkuar në kalendar këto ditë, punonjësit e administratës shtetërore kanë bërë të parët rezervimet. Agjencitë turistike u shprehën për “Monitor” se kërkesat kanë qenë tepër të larta.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ri-publikohet nga mediat e tjera vetëm duke cituar “Revista Monitor” shoqëruar me linkun e artikullit original.