NBA nuk e ndal rritjen, çdo ekip vlen mesatarisht 2 mld $

12/02/2020 4:32 PM 0 komente

Cilat janë ekipet më të pasura në NBA? Biznesi i NBA është në rritje të vazhdueshme, edhe për franchise.

Sipas klasifikimit të përvitshëm të Forbes, vlera mesatare e 30 skuadrave të NBA është rritur me 14%, duke arritur mesatarisht 2,1 miliardë dollarë për skuadër (kjo vlerë është rritur me 6 herë në 10 vitet e fundit).

Rritja nuk është ndalur, e nxitur nga të ardhurat e brendshme (jo vetëm të drejtat televizive dhe sponsorizimet e reja, por edhe stadiumet e reja që janë përuruar në vitet e fundit), pavarësisht disa problemeve të kampionatit.

 

Klasifikimi i skuadrave më të pasura të NBA

Për të pestin vit me radhë, në krye të franchise me vlerën më të lartë mbeten New York Knicks, e cila vlen 4,6 miliardë dollarë, +15% më shumë krahasuar me një vit më parë. New York Knicks është klubi i dytë sportiv më i pasur në SHBA, pas Dallas Cowboys në NFL.

Los Angeles Lakers renditen në vend të dytë (4,4 miliardë dollarë, +19%). Në vend të tretë, Golden State Warriors që vlejnë 4,3 miliardë dollarë, +23% krahasuar me sezonin e kaluar. Ekipi është në pritje të impaktit të përurimit të stadiumit të ri, Chase Center në San Francisko, sezonin e kaluar. Investimi kapi vlerën rreth 1 miliard.
Complessivamente, le squadre valgono 63,6 miliardi di dollari, con una crescita del 14% rispetto ai 56 miliardi della passata stagione.

Skuadrat finaliste sezonin e kaluar janë rritur në mënyrë të veçantë. Përveç Warriors, vlera e kampionëve në fuqi, Toronto Raptors është rritur me 25% në 2,1 miliardë dollarë.


 

Të ardhurat e ekipeve të NBA

Me vlerën rriten njëkohësisht edhe të ardhurat. Në total, të ardhurat e 30 skuadrave në sezonin 2018 / 19 arritën në 8,7 miliardë dollarë, në rritje me 9,5% krahasuar me 8 miliardë në sezonin 2017 / 18.
New York Knicks është ekipi me qarkullimin më të lartë, me 472 milionë dollarë. Në vend të dytë, Golden State Warriors (440 milionë), në të tretin Los Angeles Lakers (434 milionë) dhe Houston Rockets, në vend të katërt (348 milionë).

Rritjen më të madhe e kanë shënuar Milwaukee Bucks, nga 204 në 283 milionë dollarë (+38,7%): në krah të tyre, Toronto Raptors (+21,5%, nga 275 në 334 milionë), Portland Trail Blazers (+16,7%, nga 246 në 287 milionë) dhe Atlanta Hawks (+16,7%, nga 215 në 251 milionë). Cleveland Cavaliers është i vetmi ekip me rënie të të ardhurave, -0,7% nga 302 në 300 milionë dollarë.

 

Skuadrat që kanë fituar më shumë në 5 vitet e fundit

 

Klasifikimi i plotë i Forbes: https://www.forbes.com/nba-valuations/list/#tab:overall

 

 

 

Komente

avatar
  Subscribe  
Notify of