Pasojat e Covid, shitjet e makinave në BE do të bien me 25% në vitin 2020

23/06/2020 1:45 PM 0 komente

Për shkak të krizës së madhe ekonomike të shkaktuar nga Covid-19, tregu europian i makinave do të tkurret me 25 për qind në vitin 2020, deklaroi Shoqata Europiane e Prodhuesve të Automjeteve (ACEA).

Shitjet e makinave në bllokun prej 27 anëtarësh pritet të bien me 3 milion njësi, nga 12.8 milionë në 2019 në 9.6 milion në vitin 2020.

Më herët Shoqata deklaroi “se pas goditjes së valëve të virusit në periudhën midis marsit dhe majit, tregu i BE-së është tkurrur me 41.5 për qind deri më tani këtë vit.”

“Kjo situatë pritet të lehtësohet në një farë mase në muajt e ardhshëm pasi masat kufizuese janë hequr në të gjithë rajonin”.

Pritshmëria e vitit 2020 paraqet shifrat më të ulëta të shitjeve të makinave që nga viti 2013.

Industria e automjeteve punëson rreth 13.8 milionë europianë, direkt dhe indirekt, duke përbërë kështu 6.1 për qind të të gjitha vendeve të punës në union.

Masat për të parandaluar përhapjen e virusit, të tilla si mbyllja dhe kufizimet kufitare, ndikuan thellësisht në aktivitetet ekonomike, veçanërisht në BE dhe Shtetet e Bashkuara.

Komente

avatar
  Subscribe  
Notify of