Qeveria, si do e nxisë kreditimin

09/07/2012 1:55 PM 0 komente

Qeveria Shqiptare po punon intensivisht për të krijuar premisat për të rritur kreditimin e biznesit, ka pohuar ministry i Ekonomisë, Tregtisë dhe Energjetikës, Z. Haxhinasto, në Konferencën Kombëtare të Punës “Për barrierat e biznesit”. “Duke patur edhe mbështetjen e donatorëve, qeveria synon rritjen e mbështetjes financiare për biznesin. Një partner i rëndësishëm është AIDA, e cila menaxhon disbursimin e fondeve të Konkurueshmërisë, të Inovacionit, të garantimit të eksporteve etj, që do të pasojnë edhe me fonde të tjera siç është ai për artizanatin etj, që kanë synim mbështetjen e kapaciteteve produktive të biznesit dhe nxitjen e punësimit”, tha ai.

Ai ka folur ndër të tjera dhe për synimin për të realizuar një pakete të plotë të politikave dhe mundësive konkrete për incentivimin e investitorëve të huaj e të vendit, për ta bërë Shqipërinë, tregun më atraktiv të rajonit

“Sot është akoma domosdoshmëri thellimi dhe përmirësimi i kuadrit ligjor dhe nënligjor në drejtim të disa indikatorëve të rëndësishëm që ndikojnë në përmirësimin e mëtejshëm të klimës së biznesit dhe reduktimin e kostos së të bërit biznes, siç janë reduktimi i ditëve për procedurat për fillimin e një biznesi; marrjen e një leje ndërtimi; regjistrimin e pronësisë etj, plot 10 masa që do të zbatohen në një periudhë afatshkurtër nga qeveria që do të shoqërohen me përmirësimin e masave legjislative dhe administrative”, tha ai.

 

Komente

avatar
  Subscribe  
Notify of