Qyteti i Nju Jorkut përballet me mundësinë e një “mbylljeje të plotë” për shkak të një niveli në rritje të infeksioneve të koronavirusit, paralajmëroi Kryetari i Bashkisë, Bill de Blasio, shkruan Financial Times.
“Ne duhet ta pranojmë se kjo mund të ndodhë dhe ne duhet të bëhemi gati për këtë tani,” i tha z. De Blasio CNN të hënën. Punonjësit duhet të shmangin zyrën dhe të punojnë nga shtëpia sa më shumë që të jetë e mundur, tha ai.
Komentet e tij erdhën si përgjigje e një lajmi të New York Times në të cilën Guvernatori i Nju Jorkut Andrew Cuomo tha se qyteti mund të mbyllej “brenda një muaji”. Z. Cuomo në fund të fundit do e marrë vendimin nëse New York City do të vendoste një mbyllje, sipas kryetarit të bashkisë.
Darkat në mjediset e brendshme në New York City u pezullua përsëri të hënën, duke i dhënë një goditje tjetër sektorit të goditur rëndë nga pandemia.
- de Blasio tha “të gjitha format e kufizimeve janë në tryezë”.
“Me ritmin aktual që po shkojmë, duhet të jemi gati tani për një mbyllje të plotë, për ta lehtësuar në pranverë. Kjo është gjithnjë e më e nevojshme për të frenuar valën e dytë, për ta ndaluar atë të rritet, duke marrë jetë, duke kërcënuar spitalet tona, “tha ai.