Rekord i ri: 154 raste të reja, pesë viktima nga Covid-19

13/08/2020 4:19 PM 0 komente

154 raste të reja janë konfirmuar në 24 orët e fundit, duke shënuar një rekord të ri që nga fillimi i epidemisë. Më shumë se gjysma e rasteve të identifikuara i përkasin kryeqytetit.

“Gjatë 24 orëve të fundit janë kryer 643 testime për të dyshuar të prekur nga Covid 19, ndërsa 154 persona janë konfirmuar pozitivë me Covid-19.

Shpërndarja gjeografike e rasteve pozitive ditore është si vijon: 84 raste në Tiranë, nga 10 raste në Durrës, Elbasan, 8 në Shkodër, 7 në Kukës, nga 5 raste Korçë, Lushnje, nga 4 raste Mirditë, Përmet, nga 3 raste Pogradec, Divjakë, Kolonjë, Malësi e Madhe, 2 në Has, nga 1 rast Kavajë, Tropojë, Peqin”.

Pesë persona kanë humbur jetën si pasojë e koronavirusit, duke e çuar numrin në total të viktimave në 213.

“Fatkeqësisht, nuk e kanë fituar dot betejën me sëmundjen në dy spitalet Covid, pavarësisht përpjekjeve të mjekëve, një 62 vjeçare nga Tirana, një 63 vjeçare nga Tirana, një 70 vjeçar nga Korça, një 74 vjeçare nga Shkodra, një 83 vjeçar nga Pogradeci”.

64 qytetarë i janë shtuar listës të të shëruarve, duke e çuar numrin e të shëruarve në 3,616, që nga fillimi i epidemisë.

“Aktualisht ne spitalin Infektiv dhe “Shefqet Ndroqi” po trajtohen 114 pacientë të konfirmuar pozitivë me Covid19, 19 pacientë janë në terapi intensive, 4 prej të cilëve të intubuar. Ndërsa vazhdojnë të trajtohen sipas protokolleve përkatëse edhe pacientë të dyshuar të prekur nga virusi i rrezikshëm”.

Për statistikat më të fundit, klikoni këtu: Coronavirus në Shqipëri

Komente

avatar
  Subscribe  
Notify of