Rritet tregu i pensioneve private në janar-mars, femrat mendojnë më shumë për të ardhmen se meshkujt

10/07/2020 1:00 PM 2 komente

Janë rreth 30 mijë anëtarë që kanë investuar në fondet e pensioneve private në vend deri në fund të muajit mars, sipas të dhënave të publikuara nga Autoriteti i Mbikëqyrjes Financiare (AMF). Në krahasim me fundin e vitit 2019, numri i tyre është rritur me 7.18%.

Pjesa më e madhe e tyre, rreth 52% janë femra, ndonëse në tre muajt e parë të vitit, rritjen më të lartë e kanë shënuar meshkujt (+10.6% në raport me fundin e 2019-s, përkundrejt rritjes 4.2% të femrave).

Sipas AMF-së, “analiza e të dhënave për tregun e pensioneve private vullnetare më 31.03.2020 tregon një total asetesh neto prej 3,087.15 milionë lekë (23.6 milionë euro) dhe me një rritje prej 6.3% krahasuar me 31.12.2019”.

Pavarësisht rritjes, tregu i pensioneve private vullnetare mbetet në nivele të ulëta në raport me tregjet e tjera financiare, për shkak të kulturës së ulët për të investuar në skema private.

Gjatë tremujorit të parë të vitit 2020, në tregun e pensioneve private vullnetare ushtruan aktivitetin e tyre katër fonde pensioni.

Fondi më i madh, sipas aseteve është Sigal, me 45.5% të tregut, i ndjekur nga Credins Pension (29%), Raiffeisen pensions (25.3) dhe Albsig, që ka hyrë së fundmi në treg kishte një peshë me më pak se 1%.

Sipas numrit të anëtarëve, më i madhi është Credins pension (57.5%), Sigal (27%), Raiffeisen (10.2) dhe Albsig (5.4%).

Kompanitë i kanë investuar këto fonde 100% në bono thesari dhe obligacione të qeverisë, që janë letra me vlerë me risk zero.

Operatorët raportojnë norma të larta fitimi në tremujorin e parë, që variojnë nga 27 në 55%, me përjashtim të kompanisë më të re në treg, që është ende me humbje.

2
Komente

avatar
2 Comment threads
0 Thread replies
0 Followers
 
Most reacted comment
Hottest comment thread
1 Comment authors
Art Recent comment authors
  Subscribe  
newest oldest most voted
Notify of
Art
Guest
Art

Jam nje lexues i rregullt i Monitor dhe nuk besoja qe nuk do me kthenit pergjigje.Nuk eshte e veshtire te lexosh me shume per fondet e pensioneve ,por pyeta per te ditur specifikisht per tregun shqiptar ngaqe ju keni shume informacion.Gjithe te mirat

Art
Guest
Art

Pershendetje Monitor,si shpjegohet qe operatoret raportojne kaq norma te larta fitimi nga 27-55% ?