Rumani / Orange, të ardhurat në tremujorin e dytë bien me 2.4%

16/08/2019 10:03 PM 0 komente
TEMA TE NGJASHME:

Orange Romania raportoi se të ardhurat në tremujorin e dytë, krahasuar me të njëjtën periudhë të vitit të shkuar, ishin në rënie prej 2.4%, duke arritur në 268.5 milionë euro, kryesisht për shkak të ndryshimit të tarifave të interkoneksionit për normat e terminimit celular dhe një rënie të lehtë të shitjeve të pajisjeve nga viti në vit.

Megjithatë, numri i konsumatorëve që përdorin shërbime mobile, fikse dhe televizive arriti në 10.737 milionë, ishin rreth 2% më shumë krahasuar me fundin e TM2 2018. Shërbimet fikse u zhvilluan ashtu si në tremujorët e mëparshëm. Në fund të qershorit, shërbimi televiziv kabllor dhe satelitor i Orange Home TV shënoi mbi 528 mijë klientë, duke u rritur me 17% gjatë tremujorit të dytë 2018 dhe shërbimet fikse arritën në 317,700 klientë, një rritje 35% në krahasim me vitin e kaluar.

Në fund të qershorit, 97.15% e popullsisë së vendit dhe 100% e popullsisë urbane kishin akses në rrjetin 4G të Orange. Lidhshmëria 4G + është gjithashtu e disponueshme për gati 1.5 milionë rumunë. Në fund të qershorit, banorët e mbi 1,000 vendbanimeve dhe qyteteve të reja kishin akses në shpejtësi deri në 500 Mbps, me mbulim 4G + duke arritur 51.98% të popullsisë së vendit. ‘Oreksi’ i konsumatorëve celularë krijoi një rritje prej 40% të konsumit në tremujorin e dytë krahasuar me TM2 2018. Trafiku 4G arriti rreth 82% të trafikut total të gjeneruar.

Si rezultat i zhvillimeve në Orange Money, numri i përdoruesve të shërbimeve financiare mobile u rrit me 37% në tremujorin e dytë, krahasuar me TM1 2018, duke arritur mbi 141,000 klientë më 30 qershor.

Komente

avatar
  Subscribe  
Notify of