Serbia do të marrë një ndihmë prej 600 milion eurosh nga BE-ja, për rindërtimin prej rreth 2.2 miliardë eurosh, të lidhjes hekurudhore Beograd-Nish 230 km, e cila do të shkurtojë në mënyrë drastike kohën e udhëtimit në Europën Qendrore dhe Lindore (EQL).
Duke e përshkruar vendin nga veriu në jug, Beograd-Nish është një rrugë kryesore udhëtimi dhe një qendër transporti për Serbinë dhe EQL-në në tërësi, dhe lidh Europën Perëndimore me Ballkanin Perëndimor, Greqinë dhe Turqinë.
Linja është gjithashtu një pjesë e rëndësishme e Kornizës së Investimeve të Ballkanit Perëndimor, e cila mbështet zhvillimin ekonomik të Ballkanit Perëndimor.
Sipas Euractiv, Banka Europiane e Investimeve ka miratuar gjithashtu një kredi prej 1.1 miliardë eurosh për rindërtim dhe Banka Europiane për Rindërtim dhe Zhvillim, ka shpërndarë 550 milionë euro, ndërsa koston e mbetur do ta mbulojë Serbia. Projekti është planifikuar të përfundojë deri në vitin 2029.
Granti për rrjetin e rëndësishëm strategjik të transportit transeuropian, është më i madhi që ka marrë ndonjëherë Serbia nga BE-ja. Në fillim të këtij muaji, vendi kandidat për në BE, mori gjithashtu një paketë mbështetjeje energjie prej 165 milionë eurosh nga blloku.