Serbi, miratohet projektligji i buxhetit të 2018

31/12/2017 9:50 AM 0 komente
TEMA TE NGJASHME:

Asambleja Kombëtare Serbe miratoi projektligjin e buxhetit 2018, i cili parashikon të ardhura prej 1,178 miliardë dinarësh dhe shpenzime prej 1,207 miliardësh.
Deficiti fiskal kombëtar i planifikuar për 2018 është 0.6% e PBB-së, ose 28.4 miliardë dinarë, që është 40.7 miliardë poshtë deficitit të planifikuar në buxhetin e 2017-s. Projektligji u miratua me 150 vota pro, 12 kundër dhe asnjë abstenim, ndërsa dy anëtarë të Asamblesë nuk votuan.
Për vitin 2018, parashikohet rritje e pagave me 10% në sektorin publik dhe 5% në administratë, ndërsa rritja e pensioneve pritet të jetë me 5%.

Përveç buxhetit të planifikuar për rritje të rrogave dhe pensioneve, është planifikuar edhe një pjesë për rritje të investimeve. Buxheti i vitit të ardhshëm është planifikuar në bazë të parashikimeve që rritja ekonomike në vitin e ardhshëm do të jetë 3.5% e PBB-së, me deflacion të PBB-së prej 2.8% dhe një indeks të çmimeve të konsumit prej 2.7%.

Një buxhet total prej 128.3 miliardë dinarësh është planifikuar vetëm për investime kapitale, nga të cilat pjesën më të madhe prej 54 miliardë dinarësh e ka infrastruktura. Në krahasim me investimet e këtij viti, ato të vitit të ardhshëm do të jenë rreth 30% më të mëdha dhe do të arrijnë në më shumë se 180 miliardë dinarë në nivel të qeverisë së përgjithshme, ose 128 miliardë dinarë në nivel të Republikës.

Komente

avatar
  Subscribe  
Notify of