Si të menaxhoni 5 situata që ju krijojnë stres në ambientin e punës

19/07/2019 1:44 PM 0 komente

Stresi në ambientin e punës ndikon si në shëndetin tuaj mendor ashtu edhe në atë fizik. Më poshtë do të njiheni me 5 situata apo me 5 faktorë që mund t’ju krijojnë stres dhe me mënyrën më të mirë për t’i përballuar ato.

Mbingarkesa

Mbingarkesa dhe orët e gjata në punë janë një prej faktorëve kryesorë që ndikojnë në rritjen e nivelit të stresit. Një prej këshillave më të mira për të përballuar mbingarkesën në punë dhe njëkohësisht edhe stresin me të cilin ajo shoqërohet është që t’i ndani detyrat tuaja sipas priorteteve. Kërkoni edhe ndihmë në momentin që e shikoni se nuk ia dilni dot i vetëm për të realizuar detyrat që ju janë kërkuar.

Kërkesa të parealizueshme

Kërkesat e parealizueshme krijojnë lodhje, mërzi ose fjala që do t’i përmblidhte të gjitha këto është stresi. Nëse mendoni se edhe ju keni të bëni me një kërkesë të parealizushme atëherë gjëja e parë që këshillohet është të ruani qetësinë. Pyeteni veten tuaj nëse mund ta realizoni atë nëse do të kishit më shumë kohë në dispozicion apo më shumë ndihmë. Nëse po, atëherë kërkoni që dikush tjetër t’i bashkohet projektit tuaj dhe që t’ju shtyhet gjithashtu edhe afati gjatë së cilit ju duhet ta dorëzonit projektin. Nëse edhe pas këtyre hapave mendoni se nuk mund ta realizoni një projekt të caktuar, atëherë argumentojini të gjitha arsyet tuaja tek bordi menaxhues.

Ndryshime organizative

Ndryshimet organizative janë të pashmangshme në çdo kompani, por të ndryshoni strukturën e menaxhimit apo përshkrimin e punës të një punonjësi herë pas herë, do të krijonte një mjedis pune të pasigurtë.

Nëse edhe ju jeni pjesë e një ndryshimi të tillë atëherë përpiquni ta zbuloni sa më shumë të mundeni se përse një ndryshim i tillë është bërë. Përqendrohuni në ndryshimin në nivel organizativ dhe më pas në nivelin tuaj brenda kompanisë.

Mos hezitoni të mendoni se një ndryshim i tillë mund t’ju rezultojë edhe për më mirë, shikoni mundësitë që ju jepen në vend që të shikoni vetëm anët negative të një ndryshimi të tillë.

Paqartësitë

Nëse nuk jeni të qartë për drejtimin që doni t’i jepni të ardhmes suaj profesionale, atëherë një gjë e tillë do të krijojnte shumë probleme dhe mbi të gjitha pasiguri. Një plan mbi karrierën tuaj mund të bëjë ndryshimin në mënyrën sesi ju do të ndiheshit, jo vetëm në të ardhmen  tuaj por edhe në punën tuaj aktuale dhe mbi të gjitha do t’ju largonte stresin që shtohet nga mungesa e qartësisë sa i takon gjërave që dëshironi të bëni.

Mungesë vlerësimi

Punonjësit të cilët nuk vlerësohen për punën e tyre ndihen të pamotivuar për të vazhduar të japin më të mirën e mundshme. Nëse ju mendoni se puna juaj nuk vlerësohet, atëherë filloni duke e parë më me vëmendje cilësinë e punës tuaj. A ka gjëra të cilat ju do t’i përmirësonit? Nëse po, atëherë problemi qëndorn tek ju, por nëse jo atëherë probelmi qëndorn tek rangjet më të larta organizative në kompaninë tuaj të cilët nuk e kanë kulturë vlerësimin e punës së punonjësve të tyre.

 

Komente

avatar
  Subscribe  
Notify of