Çdo ditë e më shumë porti i Durrësit po tërheq vëmendjen e lundruesve elitarë, të cilët e përfshijnë këtë port mallrash në ndalesat e tyre për shërbime, por edhe në guidat e tyre turistike.
Vetëm gjatë muajit shtator janë bregëzuar (ankoruar) në kalatat portuale të Durrësit rreth 35 jahte, ndërsa që nga fillimi i këtij viti, sipas Autoritetit Portual Durrës, numri i jahteve që kanë vizituar Durrësin ka arritur në 378, po aq sa mbërritën në Durrës gjatë të gjithë vitit 2018.
Mëngjesin e së hënës në kalatat e portit detar më të madh të vendit u bregëzuan 3 jahte luksoze. Dy prej tyre mbërritën nga porti i Splitit, ndërsa i treti nga porti grek i Argostolit.
Përveç shërbimeve portuale për t’u furnizuar me karburant, pronarët e turistët e këtyre jahteve qëndrojnë dhe për të vizituar qytetin dhe qendrat e tij arkeologjike.
Top Channel
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.