Turizëm, ukrainasit përzgjedhin Turqinë

04/05/2021 9:39 AM 0 komente

Turistët ukrainas, kanë filluar të vijnë për pushime në Mugla në Turqi, vend i sigurt pasi ka përfunduar të gjitha përgatitjet kundër epidemisë së koronavirusit (Covi-19).

Në qendrën e turizmit në Mugla, ku merren të gjitha llojet e masave për mysafirët gjatë Covid-19, nuk ka kompromise në objektivin për turizëm të sigurt.

Vizitorët në hotelet dhe plazhet e flamurit të kaltër në rajon lejohen të hyjnë në det dhe pishinë dhe të lëvizin brenda masave të rregullit të distancës shoqërore në zonat e banjës së diellit.

Vizitorët e ardhur me avionin e parë të pasagjerëve me 350 turistë nga Ukraina në Mugla do të kalojnë 2 javë pushime në hotelet në Fethiye dhe Marmaris.

Presidenti i Ukrainës, Vladimir Zelenskiy në një deklaratë të mëparshme ishte shprehur për mobilizim në sektorin e turizmit ndërmjet dy vendeve.

“Bëhet fjalë për rritjen e fluksit të turistëve ukrainas dhe turq. Veçanërisht tani duhet të mbështesim njëri-tjetrin. Ne duhet ta rrisim turizmin dhe duhet t’i tregojmë Turqisë se e mbështesim atë”, kishte thënë Presidenti i Ukrainës, Vladimir Zelenskiy.

 

/TRT TURKEY

Komente

avatar
  Subscribe  
Notify of