Vaksina Covid, IATA: Nevojiten 8 mijë avionë jumbo për të shpërndarë dozat globale

10/09/2020 11:57 AM 0 komente

Transportimi i një vaksinë koronavirusi nëpër botë do të jetë “sfida më e madhe e transportit të parë ndonjëherë”, sipas industrisë së linjave ajrore.

Do të nevojitet ekuivalenti i 8 mijë avionëve jumbo Boeing 747, ka thënë Shoqata Ndërkombëtare e Transportit Ajror (IATA).

Edhe pse ende nuk ka një vaksinë të Covid-19, IATA tashmë po punon me linjat ajrore, aeroportet, organet globale të shëndetësisë dhe kompanitë e barnave në një plan global të transportit ajror.

Programi i shpërndarjes supozon se nevojitet vetëm një dozë për person.

“Dorëzimi i sigurt i vaksinave Covid-19 do të jetë misioni i shekullit për industrinë globale të ngarkesave ajrore. Por kjo nuk do të ndodhë pa planifikim të kujdesshëm paraprak. Dhe koha për këtë është tani,” tha Alexandre de Juniac, shefi ekzekutiv i IATA.

Ndërsa linjat ajrore kanë zhvendosur fokusin e tyre në dërgimin e ngarkesave gjatë rënies së thellë të fluturimeve për pasagjerët, transportimi i vaksinave është shumë më kompleks.

Jo të gjithë aeroplanët janë të përshtatshëm për shpërndarjen e vaksinave pasi atyre u duhet një interval tipik i temperaturës midis 2 dhe 8 gradë celsus për transportimin e barnave.

Disa vaksina mund të kërkojnë temperatura më të ulëta të cilat do të përjashtonin më shumë avionë.

“Ne i njohim mirë procedurat. Ajo që duhet të bëjmë është t’i përshkallëzojmë ato deri në madhësinë që do të kërkohet”, tha Glyn Hughes, shefi i ngarkesave të industrisë.

Fluturimet në pjesë të caktuara të botës, duke përfshirë disa zona të Azisë Juglindore, do të jenë kritike pasi atyre u mungojnë aftësitë e prodhimit të vaksinave, shtoi ai.

Shpërndarja e një vaksine në të gjithë Afrikën do të ishte “e pamundur” për momentin, thotë IATA, duke pasur parasysh mungesën e kapacitetit të ngarkesës, madhësinë e rajonit dhe kompleksitetin e kalimeve kufitare.

Transporti do të ketë nevojë për “saktësi pothuajse ushtarake” dhe do të kërkojë lehtësira në të gjithë rrjetin e vendndodhjeve ku do të ruhet vaksina.

IATA u ka kërkuar qeverive që të fillojnë planifikimin e kujdesshëm tani për t’u siguruar që ato janë të përgatitura plotësisht pasi vaksinat të aprovohen dhe të jenë në dispozicion për shpërndarje./BBC

Komente

avatar
  Subscribe  
Notify of