Virusi po përshpejton, mbi 1 milion raste të reja në pesë ditë

14/07/2020 3:22 PM 0 komente

Rastet e reja me koronavirus u rritën me më shumë se një milion në nivel global në pesë ditë, ndërsa numrat vazhdojnë të përshpejtohen nga java në javë, sipas të dhënave të Universitetit Johns Hopkins.

Numri i përgjithshëm i rasteve globale tejkaloi 13 milion të hënën, duke u rritur me 1.061.600 raste midis 8 korrikut dhe 13 korrikut.

Ndërsa disa vende që u goditën në fillim të shpërthimit kanë arritur të përmbajnë virusin, numri i rasteve në nivel global ka qenë duke u përshpejtuar në mënyrë të qëndrueshme.

Mbi gjysmë milion vdekje janë shënuar në të gjithë botën nga fillimi i epidemisë.

Drejtori i Përgjithshëm i Organizatës Botërore të Shëndetësisë Tedros Adhanom Ghebreyesus paralajmëroi se nuk do të ketë “kthim në normalen e vjetër në një të ardhme të parashikueshme”.

“Ndërsa ne shpresojmë për një vaksinë efektive, duhet të ketë një përqendrim në përdorimin e mjeteve që janë në dispozicion tani për të parandaluar transmetimin dhe për të shpëtuar jetë. Ne kemi nevojë për të arritur një situatë të qëndrueshme, për të pasur një kontroll të duhur të këtij virusi pa mbyllur plotësisht jetën tonë, ose duke shkuar nga bllokimi në bllokim,” tha Tedros./CNN

Komente

avatar
  Subscribe  
Notify of