Vizat, pak shpresë se mund të hiqen vitin tjetër

26/10/2016 9:22 AM 0 komente

Ramadan Ilazi, i cili së fundmi ka dhënë dorëheqjen nga posti i zëvendësministrit të Integrimeve Europiane, thotë se vendimi për heqjen e vizave nuk mund të merret pa e miratuar Marrëveshjen për Demarkacionin me Malin e Zi dhe luftimin e korrupsionit.

Sipas tij, këtë vit kanë ikur mundësitë për përfitimin e heqjes së vizave, ndërsa vitin tjetër, situata komplikohet edhe më shumë për shkak të zgjedhjeve në disa shtete të BE-së.

Ramadan Ilazi, shprehet i bindur se ka qenë e mundur të hiqen vizat për Kosovën, por një gjë e tillë nuk ka ndodhur për shkak të mosplotësimit të dy kushteve të vendosura nga Bashkimi Europian, përkatësisht ratifikimi i Marrëveshjes së Demarkacionit me Malin e Zi, si dhe luftimi i korrupsionit.

Kështu ka deklaruar Ilazi gjatë një interviste për “Zërin”, duke shtuar se procesi i liberalizimit të vizave mund të vështirësohet edhe më shumë vitin tjetër, për shkak të mbajtjes së zgjedhjeve në disa shtete të Bashkimit Europian.

Ilazi ka bërë të ditur se tani e tutje do të jetë këshilltar i jashtëm i kryeparlamentarit Kadri Veselit, si dhe do t’i fillojë studimet e doktoratës. /Zëri/

Komente

avatar
  Subscribe  
Notify of