Suksesi në 30 ditët e para varet nga përshtypja që ju krijoni te të tjerët. Këtu janë disa këshilla për të dhënë maksimumin tuaj në 30 ditët e para të punës:
1. Siguroni një plan. Mos prisni që dikush t’ju tregojë se kush është plani. Tregoni iniciativë. Sigurisht që do të merrni udhëzime dhe instruksione, por ju duhet të keni një ide të mirë se kush do të jetë fokusi juaj nga informatat që keni mbledhur gjatë procesit të intervistimit.
2. Shkruajeni planin tuaj. Kjo vlen për përdorimin dhe udhëzimin tuaj vetjak. Ju gjithmonë mund ta ndryshoni atë, por kur keni një plan që në fillim do të thotë që nuk do të ‘vërdalliseni’më kot pa një qëllim.
3. Filloni takohuni me njerëz me të cilët punoni. Kush e bën ‘ligjin’? Kush mund t’ju ndihmojë? Kujt duhet ti qëndroni larg? Me kë mund të drekoni? Mundohuni të tregoheni i hapur dhe miqësor.
4. Rregulloheni planin tuaj në përputhje me projektet tuaja të reja. Cilat janë përgjegjësitë tuaja, afatet, projektet? Si përputhen informacionet e reja me planin fillestar që ju ndërtuat bazuar në pritshmëritë tuaja.
5. Kujt mendoni se duhet ti bëni qefin? Çfarë presin ata? Kjo është një pikë kritike. Është e vështirë të ‘rregulloni’ një llogaritje të gabuar në lidhje me cështjen se kë duhet të kënaqni.
6. Si pret shefi juaj që të komunikoni me të? A preferon mesazh elektronik, telefonatë apo diçka tjetër?
7. Kërkoni reagime nga njerëzit që i shërbeni në lidhje me atë që ata kanë nevojë dhe që presin nga ju. Bëjeni këtë informacion pjesë të planit tuaj.
Është e vështirë që të ‘rimerrni veten’nga një hap i gabuar në 30 ditët e para të punës. Mundohuni të jeni të vetëdijshëm dhe ti mbani sytë hapur. Ndërtoni një plan dhe punoni për ta realizuar atë.