Eksportet e tekstileve, sipas shteteve, janar-prill 2014
Eksportet e tekstileve po shënojnë një periudhë lulëzimi gjatë muajve të parë të këtij viti. Sipas të dhënave të detajuara nga INSTAT, eksportet e tekstileve dhe produkteve të tyre u rritën me 29% me bazë vjetore për periudhën janar-prill 2014, në raport me të njëjën periudhë të vitit të kaluar, duke shënuar zgjerimin më të lartë të viteve të fundit.
Italia mbetet shteti që ka kontribuar më shumë në këtë rritje të eksporteve shqiptare, me partnerët italianë, që po braktisin Kinën e Lindjen e Mesme dhe po u kthehen sërish partnerëve shqiptarë, që po hasen me një bum porosish nga shteti fqinjë. Sipas të dhënave të INSTAT, eksportet e këtij grupmalli drejt Italisë u rritën me 18% për periudhën në fjalë. Italia zë 81% të totalit të eksporteve të tekstileve.
Pas disa vitesh rënieje, janë zgjeruar dhe eksportet e tekstileve drejt Greqisë. Që pas vititi 2008, esportet e tekstileve drejt Greqisë panë rënie, me kompanitë kryesisht në Jug (Gjirokastër e Korçë), që panë një rënie të porosive nga partnerët grekë. Eksportet drejt Greqisë u zgjeruan me 52% për katërmujorin e parë të vitit.
Eksportet drejt Gjermanisë u zgjeruan me 25%, ndërkohë që për herë të parë rezulton si destinacion i ri i shitjeve të tekstileve të prodhuara në Shqipëri edhe Polonia, që është kthyer në partnerin e tretë tregtar të vendit për këtë produkt, duke ia kalua Francës. Edhe eksportet drejt Francs janë dyfishuar, por ato mbeten ende të vogla në vlerë.
Burimi: INSTAT