BE vëzhgon me kujdes procesin e vaksinimit, kujdes me eksportimin

26/03/2021 9:03 AM 0 komente

Udhëheqësit e Bashkimit Evropian miratuan një plan për të kufizuar eksportet e vaksinave, pasi u vu re se blloku dërgoi më shumë vaksina në pjesën tjetër të botës, sesa u ka dhënë shteteve në eurozonë.

Ndërsa programi i vaksinave të rajonit vazhdon të rrisë presionin ndaj qeverive, Presidentja e Komisionit Evropian Ursula von der Leyen loboi për një mekanizëm të ri, më të ashpër për të siguruar furnizimet e vaksinave, duke treguar se 77 milion doza kompanitë kanë dërguar jashtë bllokut, krahasuar me 62 milion që janë administruar për qytetarët e BE-së.

Taktikat, megjithatë, rrezikojnë ‘masa hakmarrëse’ që mund të rrezikojnë furnizimin me përbërës dhe pajisje për impiantet e vaksinave në Evropë – për të mos përmendur përsëri përpjekjen globale për të përmbajtur koronavirusin.

“Kishte një aprovim që nëse ajo ka nevojë të përdoret, dhe natyrisht shpresojmë që nuk do të përdoret, pasojat më të gjera duhet të merren parasysh,” u tha gazetarëve Kryeministri Hollandez Mark Rutte pas një samiti online. “Zinxhirët globalë të furnizimit dhe prodhimit duhet të mbeten të paprekur”.

Me Evropën që ka nisur  një vale të tretë të infektimeve, BE dhe 27 qeveritë e saj tregojnë pak shenja se janë në gjendje të rrisin besimin në strategjinë e tyre të vaksinimit. Blloku tashmë mbetet prapa SH.B.A. dhe Britanisë në dozat e para të vaksinimit dhe qeveritë në të gjithë kontinentin kanë njoftuar shtrirje ose shtrëngime të bllokimeve pasi gjendja shëndetësore përkeqësohet.

 

/BLOOMBERG NEWS

Komente

avatar
  Subscribe  
Notify of