Emiratet Arabe kërkojnë hapjen e një banke arabe në Shqipëri

05/11/2012 4:13 PM 0 komente

Zv. Kryeministri dhe ministri i Ekonomisë, Tregtisë dhe Energjetikës, z. Edmond Haxhinasto priti sot një delegacion nga Emiratet e Bashkuara Arabe të kryesuar nga Mohammed Saif Al Suweidi, Drejtor i Përgjithshëm i Fondit të Abu Dhabit për Zhvillim dhe Hilal Al Mheiri, Drejtor i Përgjithshëm i Dhomës së Tregtisë dhe Industrisë së Abu Dhabit.

Ministri Haxhinasto dhe përfaqësuesit nga EBA nënvizuan marrëdhëniet shumë të mira që ekzistojnë mes dy vendeve, por edhe mundësitë e shumta sidomos në fushën ekonomike për forcimin më tej të këtyre marrëdhënieve.

Z. Haxhinasto i parashtroi miqve arabë disa nga prioritetet e Qeverisë Shqiptare ku Emiratet e Bashkuara janë të mirëpritura të investojnë si në sektorin energjetik, kryesisht në energjinë e rinovueshme, sektori i hidrokarbureve, kryesisht atë të gazit, apo edhe në sektorin e transportit ku investitorët nga EBA tashmë janë prezent, siç është financimi i segmentit rrugor Tiranë – Elbasan.

Nga pala e EBA, Z. Saif Al Suweidi kërkoi rritjen e bashkëpunimit sidomos në fushën ekonomike, ku vuri theksin edhe në ngritjen e një komisioni për bashkëpunimin ekonomik mes dy vendeve apo hapjen e një banke arabe të investimeve në Shqipëri.

Komente

avatar
  Subscribe  
Notify of