Zgjerimi ekonomik i Bullgarisë pritet të ngadalësohet deri në 3% në vitin 2019 nga rreth 3.2% vitin e kaluar, për shkak të rënies së eksporteve dhe ngadalësimit të rritjes së konsumit të brendshëm, sipas kompanisë së sigurimit të kredive me bazë në Francë, Euler Hermes.
Eksportet neto pritet të bien me 4.2% në 2018 dhe mbeten negative në 2019 si rezultat i rënies së mëtejshme të eksporteve në Turqinë fqinje, tha Euler Hermes në një njoftim për shtyp.
Eksportet në Rusi pritet të stabilizohen, por në një nivel më të ulët krahasuar me vitet e mëparshme, ndërkohë që eksportet drejt BE pritet të ngadalësohen për shkak të ngadalësimit të rritjes ekonomike të rajonit.
Konsumi i brendshëm, i cili ishte motori kryesor i rritjes ekonomike të Bullgarisë vitin e kaluar, pritet të mbetet dobët në vitin 2019. Konsumi privat pritet të rritet me 7.8% në 2018 dhe 5.5% këtë vit, ndërsa konsumi publik shihet duke u pakësuar nga 3.6 % në 2018 në 3.0% në vitin 2019.
Norma e papunësisë në Bullgari pritet të bjerë nga 5.3% vitin e kaluar në 5.0% në 2019, ndërsa shpenzimet e pagave pritet të rriten me 2.9% në 2018 dhe 2.8% në 2019.
Borxhi i jashtëm pritet të jetë i barabartë me 64% të PBB-së në 2018 dhe 63% këtë vit.
*SEE News