Eurostat, rregulla strikte për PPP-të greke

30/05/2016 10:42 AM 0 komente

Vendimi i Brukselit për të shtrënguar rregullat në partneritetet publike-private ka ngritur pengesa serioze për planet e Ministrisë së Infrastrukturës së Greqisë për një brez të ri të projekteve përmes kontratave koncesionare.

Autoriteti europian për Statistikat (Eurostat), kërkon që të gjitha shtetet anëtare të kenë të drejta të kufizuara në kompanitë që drejtojnë PPP-ve; ndryshe, do të kemi rritje të borxhit kombëtar.

Një perspektivë e tillë do të ishte shkatërruese për projekte të tilla si aeroporti i ri i planifikuar në Kastelli pranë Iraklio, Kretë, ku buxheti i përgjithshëm është vlerësuar në rreth 850 milionë euro, si dhe linja e re (Line 4) e planifikuar për metro në Athinë, e cila tejkalon 1 miliard euro kosto.

Eurostat kërkon që aksionet e shtetit në sipërmarrjet PPP, të jenë jo më shumë se 33 për qind dhe pa të drejta të veçanta. Në rastin e Kastelli, sipas planeve të publikuara, shteti grek do të kontrollojë rreth 45-55 për qind, si dhe do të rezervojë shumicën në bordin drejtues dhe të drejtën e vetos.

Brukseli kërkon më tej që investitorët privatë të marrin rrezikun e projekteve dhe se shteti nuk ka vendosur një tavan për kthimin e fondeve të investuara.

Komente

avatar
  Subscribe  
Notify of