Deri të premten, ditën kur Autoriteti Bankar Europian do të shpallë rezultatin e testit Europian të stresit, Banka Monte dei Paschi di Siena (MPS) do të shpalosë një plan ristrukturimi, një plan që, siç është thënë, nënkupton fshirjen e 27 miliardë eurove kredi të këqija dhe rikapitalizmin (3-4 miliardë euro), që do ta bënin bankën financiarisht të qëndrueshme.
Sigurisht, kjo është një kohë e shkurtër.
Shpresohej që të kishte një kthesë nga Siena dhe Roma këtë fundjavë, gjë që nuk u materializua, si dhe nuk ka pasur asnjë tregues për kornizën e planit të ristrukturimit, qoftë formalisht apo në mënyrë infromale, pas një takimi dy ditor me bordin konsultativ.
Ky nuk është lajmi i mirë duke pasur parasysh se sa në rrezik është Kërkesa e Bankës MPS për t’u stabilizuar, të paktën pjesërisht. Pa këtë dritë jeshile, nevoja për kapital e bazës se bankës në Siena, rrezikon që të rritet me të paktën 2 miliardë euro.
Dhe nëse është kështu, rritja në kapital do të jetë shumë e madhe për të mbështetur operacionet, madje edhe partneritetin me bankat investuese (që do të përfshinë konsulentët financiarë JP Morgan, Mediobanca, UBS dhe Citigroup) që ishin shprehur të gatshme për të marrë pjesë në rikapitalizimin, madje pa garanci publike.
Në Siena dhe në Romë ka besim se do të gjendet një zgjidhje për bankën. Ka shenja pozitive, dje u pa miratimi i fondit për kreditë e këqija në takimin me shoqatën e investimeve profesionale.
Ata u shprehën se janë të gatshëm të vendosin 500 milionë euro në tavolinë. Kjo do të ishte në krye të listës së fondit 1.7 miliardë dollarë dhe do të përfshinte kontributet nga huadhënësit shtetëror CDP, mbase dhe SGA, një grup menaxhimi i krijuar në 1989 për shpëtimin e Bankës së Napolit.
48 orët në vazhdim do të jenë vendimtare për të mbledhur rrjetin që do të sigurojë të ardhmen e bankës. E vetmja gjë e sigurte, të paktën deri më tani, është që deri të premten plani për ndarë 27 miliardë dollarë për kreditë e këqija do të jetë duke marrë jetë.