Tatimet: 98.2 % e tatimpaguesve paguajnë në kohë TVSH-në

26/10/2018 1:11 PM 0 komente

Përmbushja vullnetare e tatimpaguesve është në nivelin më të lartë, prej 96.4 %, sipas informacioneve të fundit të ofruara nga Administrata Tatimore.

Sipas kësaj të fundit, niveli i përmbushjes në rang kombëtar për deklarimin në kohë të TVSH-së është përkatësisht 96.4%. Sa i përket, nivelit të përmbushjes në rang kombëtar për deklarimin e listëpagesave në kohë nga tatimpaguesi është 97 %.

Ndërsa, sipas një tjetër statistike të dhënë nga Tatimet, niveli i përmbushjes në rang kombëtar për pagesën në kohë të TVSH-së është 98.2 %.

Administrata Tatimore sjell në vëmendje të tatimpaguesve se përmbushja e këtyre detyrimeve Ligjore minimizon riskun e penalizimit.

Për Administratën Tatimore është me rendësi ndërgjegjësimi i tatimpaguesve për te rritur përmbushjen tatimore, si dhe për të ndërtuar një raport të bazuar te besimi dhe transparenca.

Ky informacion është pjesë e një Platforme Informimi për tatimpaguesit, e krijuar për herë të parë nga Drejtoria e Përgjithshme e Tatimeve, me mbështetjen edhe të Bankës Europiane për Rindërtim dhe Zhvillim. 11 kategori tatimpaguesish marrin përmes saj informacionin bazë për ciklin e jetës së një biznesi.

Komente

avatar
  Subscribe  
Notify of