Mospërputhjet në llogaritë kombëtare të Shqipërisë sugjerojnë se, sektori jozyrtar llogaritet në mesatare për 36,2% të PBB-së gjatë periudhës 1996-2012. Kjo çon në humbje të taksave të të ardhurave, mungesa e mbrojtjes së punës dhe konkurrencës së pandershme midis firmave, thuhet në një raport të fundit të BERZH për klimën e biznesit në Shqipëri.
Institucioneve financiare ndërkombëtare kanë dhënë shifra të ndryshme për fenomenin e infomalitet në vendin tonë por të gjithë rezultat konkludojë për një nivel më të lartë se 30 për qind të ekonomisë informale në vendin tonë.
Ekonomia e zezë në këto nivele ka sjellë efektet negative kryesisht në dy drejtime. E para në nivelin e ulët në administrimit fiskal duke e renditur Shqipërinë si vendin e fundit në rajon për rendimentin e grumbullimit të tatimeve në raport me PBB ne vetëm nga 24 %, nga 29 për qind që është mesatarja rajonale. E dyta lidhet me konkurrencën e pandershme që janë duke krijuar bizneset që i shmangen taksave. Kompanitë serioze sipas studimit të BERZH e kanë gjithnjë e me të vështirtë të jenë konkurruese në një ambjet informal të tilla si në Shqipëri.
Sektori informal është një kontribuues i rëndësishëm për punësimin dhe prodhimin në Shqipëri. Sipas Organizatës Ndërkombëtare të Punës, 30% e fuqisë punëtore të përgjithshëm në sektorin e ndërtimit është e punësuar në mënyrë informale.
Qeveria shqiptare ka shtyrë implementimin e një strategjie kundër informalitetit. Ministri i Financave, Shkëlqim Cani deklaroi në fund të vitit që shkoi se, në muajin shkurt të këtij viti do të vihej në zbatim një strategji i mirëkordinuar kundër informalitetit, e cila vijon të jetë ende një projekt.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.