Ekspertët teknikë që përfaqësojnë kreditorët, filluan të hënën vizitën e ministrive të vendit në Athinë, duke hapur rrugën për rishikimin e tretë të paketës së shpëtimit, e cila nuk konsiderohet më si një çështje e thjeshtë dhe është e ngarkuar gjithnjë e më shumë me probleme.
Presioni për një përfundim të kënaqshëm të shqyrtimit do të rritet me vizitën e planifikuar më 25 shtator të shefit të Eurogrupit, Jeroen Dijsselbloem, i cili do të takohet me ministrin grek të Financave, Euklid Tsakalotos.
Duke iu përgjigjur një pyetjeje nga Kathimerini, zëdhënësi i Dijsselbloem tha se kreu i Eurogrupit do të diskutojë çështjet e Eurozonës dhe sigurisht përparimin e programit të shpëtimit. Zyrtarët e qeverisë vlerësojnë se diskutimi për rrjedhën e rishikimit dhe programi grek mund të kombinohet me skadimin e mandatit të Dijsselbloem në karrigen e Eurogrupit në fund të vitit.
Ministri holandez – vizita e fundit e të cilit në Athinë dhe takimi i tij me homologun e tij në atë kohë, Yanis Varoufakis, ishin mjaft i suksesshëm – padyshim do të donte të linte një shënim pozitiv lidhur me programin grek.
Përveç grupit kryesor të 113 detyrave paraprake, prej të cilave 95 duhet të zbatohen deri në fund të vitit, kreditorët kanë shprehur vërejtjet dhe dyshimet e tyre lidhur me lëvizjet legjislative të fundit të bëra nga qeveria, siç është ligji i punës i miratuar të enjten e kaluar. Burimet thonë se kreditorët kanë shprehur gjithashtu shqetësime rreth klauzolave lidhur me zvogëlimin e taksës së shtuar mbi furnizimet bujqësore, hapjen e profesioneve të mbyllura, si dhe shërbimin civil.
Një numër i madh i 95 veprimeve paraprake që qeveria duhet të zbatojë në kohë rekord kanë një shkallë të lartë vështirësie dhe zyrtarët qeveritarë besojnë se kjo mund të kërkojë rishikime mbi përfitimet familjare, hapjen e tregut të energjisë, etj.